Geetha Madhuri: టాలీవుడ్ ఇండస్ట్రీలో సింగర్ గా ఎంతో మంచి గుర్తింపు సంపాదించుకున్నటువంటి వారిలో గీతామాధురి ఒకరు. ఈమె నటుడు నందును ప్రేమించి పెళ్లి చేసుకున్నారు. ఇకపోతే ఈ దంపతులకు ఇటీవల ఒక కుమార్తె కూడా జన్మించారు. అయితే తాజాగా గీతామాధురి మరోసారి తల్లి కాబోతున్న విషయం మనకు తెలిసిందే.ఈమె ప్రస్తుతం 9వ నెల గర్భంతో ఉన్నారు.

ఈమెకు ఫిబ్రవరి నెలలోనే డెలివరీ డేట్ ఇచ్చినట్లు గతంలో ఓ సందర్భంలో గీతామాధురి తెలియజేశారు. ఈ క్రమంలోనే ఘనంగా సీమంతపు వేడుకలను కూడా నిర్వహించిన సంగతి తెలిసిందే. తాజాగా సీమంతపు వేడుకలతో పాటు తన భర్తతో కలిసి గీతామాధురి ఉదకశాంతి పూజ చేశారు. ఈ పూజకు సంబంధించిన ఫోటోలు కూడా సోషల్ మీడియాలో వైరల్ అవుతున్నాయి.

ఇక ఈ ఫోటోలు వైరల్ గా మారడంతో ఎంతోమంది అసలు ఉదకశాంతి పూజ అంటే ఏంటి ఈ పూజ ఎందుకు చేస్తారనే విషయం గురించి సందేహాలను వ్యక్తం చేస్తున్నారు. ఉదకశాంతి పూజ అంటే మంత్రంతో జలాన్ని పరిశుద్ధం చేసి ఆ మంత్ర జలాన్ని ఇల్లు మొత్తం చల్లడం వల్ల ఇంట్లో ఉన్నటువంటి దోషాలు మొత్తం తొలగిపోతాయి. అంతేకాకుండా ఈ పూజను చాలామంది ఐశ్వర్యం కోసం ఆరోగ్యం కోసం ఆయుష్షు కోసం కూడా చేస్తుంటారు.

ఆరోగ్యం కోసం..

ఇక గీత మాధురి గర్భంతో ఉన్నప్పుడు ఈ పూజ చేశారు అంటే తన బిడ్డ ఆరోగ్యం కోసమే ఈమె ఈ పూజ నిర్వహించారని తెలుస్తోంది. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక ఈ ఫోటోలు పై ఎంతోమందిని నేటిజన్స్ వివిధ రకాలుగా స్పందిస్తూ కామెంట్లు చేయడమే కాకుండా ఈమెకు ముందుగానే శుభాకాంక్షలు తెలుపుతున్నారు.