Singer KK: పాటే తన ప్రాణంగా భావించిన ప్రముఖ గాయకుడు కేకే హఠాన్మరణం అందరిని తీవ్ర దిగ్భ్రాంతికి గురి చేసింది.తీయటి గాత్రంతో పలు భాషలలో ఎన్నో అద్భుతమైన పాటలను పాడి విశేష ఆదరణ సంపాదించుకున్న కృష్ణ కుమార్ కున్నాత్ తన చివరి శ్వాస వరకు పాటపాడుతూ ఒక్కసారిగా గుండెపోటు రావడంతో మృత్యువాతపడ్డారు.
మంగళవారం రాత్రి కోల్‌కతాలోని నజ్రుల్ మంచా వివేకానంద కళాశాల ఫెస్ట్‌లో పాటల వాడిన అనంతరం కేకే ది గ్రాండ్ హోటల్ కి చేరుకొని ఆ సంగీత వేడుకకు సంబంధించిన ఫోటోలు, వీడియోలను సోషల్ మీడియా వేదికగా అభిమానులతో పంచుకున్నారు. ఈ క్రమంలోనే ఆయనకు ఒక్కసారిగా గుండెపోటు రావడంతో హోటల్ గదిలో కుప్పకూలిపోయారు.
ఇతనిని గమనించిన అతని సహాయకులు కార్యక్రమ నిర్వాహకులు ఇతనిని హుటాహుటిన కోల్ కతాలోని ఓ ప్రైవేట్ ఆస్పత్రికి తరలించారు. కానీ ఆస్పత్రికి తరలించగా అప్పటికే ఆయన మృత్యువాతపడ్డారు.
కేకే ఆగస్టు 23, 1968 న ఢిల్లీలో మలయాళీ దంపతులైన సి. ఎస్. నాయర్, కున్నత్ కనకవల్లి దంపతులకు జన్మించిన కేకే సంగీతంపై మక్కువతో గాయకుడిగా పలు భాషలలో ఎన్నో అద్భుతమైన పాటలను ఆలపించారు.
చివరి శ్వాసవరకు పాట పాడుతూ…
ఇలా పాటే ప్రాణంగా బతికిన కేకే తన తుది శ్వాస వరకు పాటలు పాడుతూ తుది శ్వాస విడవడంతో ఆయన అభిమానులు, సినీ సెలబ్రిటీలు, రాజకీయ నాయకులు సైతం ఆయన మరణంపై తీవ్ర దిగ్భ్రాంతి వ్యక్తం చేస్తూ ప్రగాఢ సంతాపం తెలియజేస్తున్నారు. ప్రధాని నరేంద్ర మోడీ సైతం కేకే మరణ వార్త విని సంతాపం ప్రకటించారు. కేకే తెలుగులో కూడా ఎన్నో అద్భుతమైన పాటలను ఆలపించి విశేష ప్రేక్షకాదరణ పొందారు.
Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti.
— Narendra Modi (@narendramodi) May 31, 2022