Mrunal Thakur: సీతారామం సినిమా ద్వారా తెలుగు ప్రేక్షకులకు పరిచయమయ్యారు మలయాళీ నటుడు దుల్కర్ సల్మాన్, మరాఠీ నటి మృణాల్ ఠాకూర్. వీరిద్దరూ జంటగా హను రాఘవపూడి దర్శకత్వంలో తెరకెక్కిన అందమైన ప్రేమ కథ చిత్రం సీతారామం.ఈ సినిమా గత ఏడాది ఆగస్టు నెలలో ప్రేక్షకుల ముందుకు వచ్చి అద్భుతమైన విజయాన్ని సొంతం చేసుకుంది. ఇక ఈ సినిమా ద్వారా వీరిద్దరికి తెలుగులో కూడా విపరీతమైన అభిమానులు పెరిగిపోయారు.
ఇక ఈ సినిమా తర్వాత నటి మృణాల్ నాని హీరోగా నటిస్తున్న తన తదుపరి చిత్రంలో హీరోయిన్ గా నటించే అవకాశాన్ని అందుకున్నారు. ప్రస్తుతం ఈ సినిమా షూటింగ్ పనులను జరుపుకుంటుంది. ఇకపోతే సినిమాల పరంగా ఎంతో బిజీగా ఉన్నటువంటి ఈమె సోషల్ మీడియాలో కూడా చాలా యాక్టివ్ గా ఉంటూ నిత్యం తనకు సంబంధించిన విషయాలను అభిమానులతో పంచుకుంటారు. అలాగే వీలు కుదిరినప్పుడు అభిమానులతో కలిసి సరదాగా ముచ్చటిస్తూ ఉంటారు.
ఈ క్రమంలోనే ఓ నేటిజన్ ట్విట్టర్ వేదికగా ఈమెను ప్రశ్నిస్తూ సీతారామం సినిమాకు సీక్వెల్ సినిమా గురించి ప్రశ్నించారు. ఈ సినిమా చూసిన ప్రతి ఒక్క ప్రేక్షకుడు హీరో చనిపోకుండా పాకిస్తాన్ లో బంధించి ఉన్నారనీఈ పాయింట్ మీద సీక్వెల్ చేస్తారని గత కొద్దిరోజులుగా వార్తలు వస్తున్నాయి. అయితే ఇందులో ఎంతవరకు నిజం ఉందనే విషయం గురించి నేటిజన్ ప్రశ్నిస్తూ సీతారామం 2 సాధ్యమేనా అని మృణాల్ ను ప్రశ్నించారు.
Mrunal Thakur: ఉంటే బాగుంటుంది…
ఈ ప్రశ్నకు ఈమె ఆసక్తికరమైన సమాధానం చెప్పారు. తనకు ఈ సినిమా సీక్వెల్ గురించి ఐడియా లేదు కానీ ఉంటే బాగుంటుందని తాను కూడా అనుకుంటున్నట్లు ఈ సందర్భంగా ఈమె సమాధానం చెప్పారు. మరి ఈ సినిమాకు సీక్వెల్ ఉంటుందా లేదా అనే విషయం తెలియాల్సి ఉంది. ఇక ఇందులో రష్మిక కీలక పాత్రలో నటించిన విషయం మనకు తెలిసిందే.
I have no idea but I really wish there is! https://t.co/tXwoRIQx47
— Mrunal Thakur (@mrunal0801) April 9, 2023