Sudhakar: ఎన్నో తెలుగు సినిమాలలో కమెడియన్ గా నటించి ఎంతో మంచి గుర్తింపు సంపాదించుకున్నటువంటి సుధాకర్ ఒకానొక సమయంలో తమిళ చిత్ర పరిశ్రమలో అగ్ర హీరోగా ఓ వెలుగు వెలిగిన విషయం మనకు తెలిసిందే. అయితే కొందరు తన కెరియర్ పై కోలుకోలేని దెబ్బ కొట్టడంతోనే తెలుగు చిత్ర పరిశ్రమకు వచ్చి కమెడియన్ గా స్థిరపడ్డారు.

ఇలా కమెడియన్ గా కొనసాగుతూ మంచి గుర్తింపు పొందినటువంటి ఈయన గత కొంతకాలంగా చిత్ర పరిశ్రమకు దూరంగా ఉన్నారు. ఇకపోతే తాజాగా బుల్లితెరపై ప్రసారమవుతున్న నేను నాన్న అనే స్పెషల్ షో లో ఈయన సందడి చేశారు. ఇలా ఈ కార్యక్రమంలో సందడి చేస్తున్నటువంటి ఈయన అనంతరం ఒక ఇంటర్వ్యూలో పాల్గొని తన కెరియర్ గురించి పలు విషయాలు తెలియజేశారు.

ముందుగా తాను చనిపోయాను అంటూ పెద్ద ఎత్తున వార్తలు వస్తున్నాయి కానీ తాను క్షేమంగా ఉన్నాను అలాంటి వార్తలు సృష్టించద్దని తెలియజేశారు. అలాగే తను ఒక్కసారి వెనక్కితిరిగి చూసుకుంటే హీరోగా కమెడియన్ గా క్యారెక్టర్ ఆర్టిస్ట్ గా ఎన్నో మంచి పాత్రలలో నటించానని చాలా సంతోషం వేస్తుందని తెలిపారు. ఇక తనకు తెలుగులో ఎమ్మెస్ నారాయణ అంటే చాలా ఇష్టమని సుధాకర్ తెలిపారు.

Sudhakar: వారసుడిగా ఎంట్రీ ఇవ్వనన్న సుధాకర్ కొడుకు…

ఇక ఈ ఇంటర్వ్యూలో చిరంజీవితో తనకు ఉన్న స్నేహం గురించి కూడా తెలిపారు. తాను చిరంజీవి ఇద్దరు ఒకే రూమ్లో ఉండే వాళ్ళమని తెలిపారు.అలా మొదలైన మా స్నేహం ఇప్పటికీ కొనసాగుతూనే ఉంది ఇక యముడికి మొగుడు సినిమాలో నేను నటించాల్సిందేనని చిరంజీవి పట్టు పట్టడంతోనే ఈ సినిమాలో నటించాలని ఈ సందర్భంగా చిరుతో ఉన్నటువంటి స్నేహం గురించి కూడా గుర్తుచేసుకున్నారు. ఇక త్వరలోనే తన కుమారుడు కూడా ఇండస్ట్రీలోకి రాబోతున్నారని సుధాకర్ తెలిపారు.