తెలుగులో ప్రసారం అయిన బిగ్‌బాస్‌ ఐదో సీజన్‌ పూర్తయింది. 105 రోజుల ఈ జర్నీ ఎట్టకేలకు మొన్న గ్రాండ్ గా ముగిసింది. అయితే హౌస్ లో 19 మంది కంటెస్టెంట్లు అడుపెట్టగా.. మొదటి వీక్ లో సరయు ఎలిమినేట్ అయింది.

తర్వాత స్ట్రాంగ్ అనుకున్న కంటెస్టెంట్లు అందరూ హౌజ్ నుంచి బయటకు వచ్చేశారు. అందులో ముఖ్యంగా యాంకర్ రవి బయటకు రావడం అటు అభిమానులకు.. సగటు ప్రేక్షకుడికి రుచించలేదు. ఎలిమినేషన్ అంతా ఫేక్ అంటూ ఆరోపించారు. అంతక ముందు విశ్వా విషయంలో కూడా అంతే జరిగింది.

ఆటలో ఎంతో చురుకుగా ఉండే విశ్వా కూడా హౌస్ నుంచి అనూహ్యంగా బయటకు వచ్చాడు. ఇక టాప్ 5లో మిగిలిన సిరి, మానస్, సన్నీ, షణ్ముఖ్ మరియు శ్రీరామంచంద్రలు మిగిలారు. ఇందులో మొదట సిరి ఎలిమినేట్ కాగా.. తర్వాత టాప్ 4 గా మానస్ ఇంటి నుంచి బయటకు వచ్చేశాడు. తర్వాత శ్రీరామచంద్ర టాప్ 3 గా బయటకు వచ్చేశారు.ఇక హౌస్ నుంచి వచ్చిన వాళ్లు ఎంత రెమ్యూనరేషన్ తీసుకున్నారు.

ఈ విషయాలను తెలుసుకోవాలని ప్రతీ ఒక్కరికి ఉంటుంది. ఈ విషయంలో సోషల్ మీడియాలో తెగ వెతుకుతుంటారు. అయితే తాజాగా ఇండియన్ ఐడల్ 5 విజేత శ్రీరామ్ కు ఎంత రెమ్యూనరేషన్ ఇచ్చారో తెలిసిపోయింది. ఆ వార్త ప్రస్తుతం సోషల్ మీడియాలో వైరల్ గా మారింది. అతడికి వారానికి రూ. రెండు నుంచి రూ.3లక్షల చొప్పున అందుకున్నాడట. అతడు మొత్తం 15 వారాలు హౌస్ లో ఉన్నాడు. దీనిని బట్టి చూస్తే అతడు మొత్తంగా రూ. 35 లక్షల వరకు సంపాదించాడని తెలుస్తోంది.