Director Rajamouli: ప్రస్తుతం ప్రపంచవ్యాప్తంగా టాలీవుడ్ ఇండస్ట్రీ మంచి పేరు సంపాదించుకుంది. దానికి కారణం రాజమౌళి అని చెప్పాలి. టాలీవుడ్ స్టార్ డైరెక్టర్ రాజమౌళి ఇప్పటివరకు మంచి మంచి సినిమాలను రూపొందించాడు. తన సినిమాలతో తెలుగు ప్రేక్షకులనే కాకుండా ఇతర ఇండస్ట్రీకి చెందిన వారిని కూడా ఫిదా చేశాడు. ఇక పాన్ ఇండియా ఆర్ఆర్ఆర్ సినిమాతో మాత్రం ప్రపంచవ్యాప్తంగా ఫిదా చేశాడు.

ఇప్పటికే ఈ సినిమా ఎన్నో అవార్డులు అందుకుంది. ఇటీవలే గోల్డెన్ గ్లోబల్ అవార్డుతో కూడా అందర్నీ ఆశ్చర్యపడేలా చేసింది. రాజమౌళి ఈ సినిమాను అత్యున్నత సాంకేతిక విలువతో రూపొందించి తీరును చూసి ప్రతి ఒక్కరు ఆశ్చర్య పోయారు. సినిమా విడుదలైనప్పటి నుంచి ఇప్పటివరకు సినిమా గురించి మాట్లాడుకునే వాళ్లే. ఇక ఇతర ఇండస్ట్రీకి చెందిన స్టార్ డైరెక్టర్లు కూడా.. రాజమౌళి టాలెంట్ చూసి మురిసిపోయారు.

పాపులర్ డైరెక్టర్ జేమ్స్ కామెరున్ కూడా ఈ సినిమాతో పాటు రాజమౌళిని కూడా ప్రశంసించాడు. ఇక ఇదంతా పక్కన పెడితే టాలీవుడ్ ఇండస్ట్రీ గర్వించేలా చేశాడు. తాజాగా రాజమౌళి హాలీవుడ్ లెజెండరీ స్టీవెన్ స్పీల్ బర్గ్ తో వీడియో కాల్ లో మాట్లాడారు. ఇక ఆ లెజెండరీ ఆర్ఆర్ఆర్ సినిమా గురించి మాట్లాడారు. ఆ సినిమా గురించి ప్రశంసించాడు. ఆ సినిమాలో ప్రతి ఒక్క సన్నివేశాన్ని పొగుడుతూ.. ఎన్టీఆర్, రామ్ చరణ్ పాత్రల గురించి గొప్పగా చెబుతూ పొగిడాడు.

Director Rajamouli:

అంతేకాకుండా తమ అభిరుచులతో పాటు మరిన్ని సినిమాల గురించి కూడా కొన్ని విషయాలు మాట్లాడుకున్నారు. దీంతో రాజమౌళి ఆయనతో మాట్లాడిన విషయాలు గురించి స్పందిస్తూ.. స్టీవెన్ స్పీల్ బర్గ్ ను కలవటం చాలా అద్భుతంగా ఉందని.. ఎగిరి గంతేయాలని ఉంది అని అన్నాడు. మొత్తానికి రాజమౌళి తన సినిమాతో టాలీవుడ్ ను మరో లెవెల్ లో పెట్టేసాడని చెప్పవచ్చు.