Actor Suman: తెలుగు సినీ ఇండస్ట్రీలో సీనియర్ నటుడిగా ఎంతో మంచి గుర్తింపు పొందిన సుమన్ తాజాగా ప్రొడ్యూసర్స్ గిల్డ్స్ తీసుకున్న నిర్ణయం పై స్పందించారు. సినిమా బడ్జెట్ ఎక్కువవుతుందన్న నేపథ్యంతో నిర్మాతలు అందరూ కలిసి షూటింగ్ బంద్ చేయాలని ఏకాభిప్రాయానికి వచ్చారు. ఈ క్రమంలోనే ఈ విషయంపై సుమన్ తన అభిప్రాయాన్ని వెల్లడించారు.

ఈ సందర్భంగా సుమన్ మాట్లాడుతూ సినిమా సినిమాకు అధికవ్యయం అవుతుందని షూటింగ్ బంద్ చేయడం సరైనది కాదు. అలాగే షూటింగులు బంద్ చేయటం వల్ల ఓటీటీలకు ఆదరణ పెరుగుతుంది. ఇక సెన్సార్ బోర్డు సైతం ఓటీటీ సినిమాలు వెబ్ సిరీస్ లపై దృష్టి సారించాలని ఈయన కామెంట్స్ చేశారు.

ఇకపోతే సినిమాకు అధిక ఖర్చు అవుతుందని హీరోల రెమ్యూనరేషన్ తగ్గించడం సరికాదు అంటూ సుమన్ వ్యాఖ్యానించారు. హీరోలకు క్రేజ్ ఉన్నప్పుడే అధిక రెమ్యూనరేషన్ తీసుకుంటారు. అలా వారి రెమ్యూనరేషన్ తగ్గించడం సరైనది కాదని సుమన్ వెల్లడించారు.హీరోలకున్న రేంజ్ బట్టి నిర్మాతలు డబ్బులు ఇస్తారు. ప్రేక్షకులు కూడా థియేటర్లకు వస్తారు ఇలాంటి నేపథ్యంలో హీరోలకు రెమ్యూనరేషన్ తగ్గించడం భావ్యం కాదని సుమన్ తెలిపారు.

Actor Suman: షూటింగ్ సమయాన్ని పెంచుకోవాలి…

ఇకపోతే సినిమా అధిక వ్యయంతో తెరకెక్కిస్తున్నప్పుడు నిర్మాతలు షూటింగ్ సమయాన్ని కూడా పెంచుకోవాలని, ఒకప్పుడు పొద్దున 6 గంటలకు షూటింగ్ మొదలవుతే సాయంత్రం 9 వరకు జరిగేది ప్రస్తుతం ఉదయం 9 నుంచి 6 వరకు మాత్రమే షూటింగ్ చేస్తున్నారు. ఇలా సమయాన్ని పెంచుకోవడం వల్ల నిర్మాతలకు ఖర్చు తగ్గుతుంది అలాగే అనవసరంగా కాల్ షీట్ తీసుకోవడం కూడా నిర్మాతలకు అధిక భారంగా మారుతుందని వీటిని తగ్గించుకుంటే సినిమా తక్కువ బడ్జెట్ కి తెరకెక్కుతుంది అంటూ సుమన్ న్ సంచలన వ్యాఖ్యలు చేశారు.