Ananya Nagalla: అనన్య నాగళ్ళ పరిచయం అవసరం లేని పేరు. మల్లేశం సినిమా ద్వారా హీరోయిన్గా ప్రేక్షకులకు పరిచయమైనటువంటి అనన్య అనంతరం పలు సినిమాలలో నటించారు. ఇలా పలు సినిమాలలో హీరోయిన్గా నటిస్తూ ఉన్నటువంటి ఈమె పవన్ కళ్యాణ్ హీరోగా నటించిన వకీల్ సాబ్ సినిమా ద్వారా ప్రేక్షకుల ముందుకు వచ్చారు. ఈ సినిమా మంచి సక్సెస్ అందుకుంది.

ఇక ఈమె సినిమా అవకాశాల కోసం పెద్ద ఎత్తున సోషల్ మీడియాలో గ్లామర్ షో చేస్తూ రచ్చ చేస్తూ ఉండేవారు. ఇకపోతే తాజాగా ఈమె తంత్ర అనే సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. ఈ సినిమా మార్చి 15వ తేదీ విడుదల కానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా ఈమె వరస ఇంటర్వ్యూలకు హాజరవుతూ సందడి చేస్తున్నారు.

ఇదిలా ఉండగా తాజాగా అనన్య ప్రముఖ వివాదాస్పద జ్యోతిష్యుడు వేణు స్వామిని కలిసినట్టు తెలుస్తుంది. ఈ క్రమంలోనే ఆయనతో కలిసి దిగినటువంటి ఫోటో సోషల్ మీడియాలో వైరల్ గా మారింది దీంతో ఈమె తన సినిమా విడుదలకు ముందు వేణు స్వామిని కలవడం వెనుక కారణం ఏంటి అని ఆరా తీయడం మొదలు పెట్టారు.

ప్రత్యేక పూజలు…
వేణు స్వామిని అనన్య క్యాజువల్ గా కలిసిందా లేకపోతే తాను నటిస్తున్నటువంటి తంత్ర సినిమా సక్సెస్ అవ్వాలని ప్రత్యేక పూజలు చేయించడం కోసం ఈమె వేణు స్వామిని కలిసారా అన్న సందేహాలు వ్యక్తం అవుతున్నాయి ఏది ఏమైనా వేణు స్వామిని కలిసినటువంటి హీరోయిన్ల జాబితాలో అనన్య నాగళ్ళ కూడా చేరిపోయింది.