వెండితెరపై సెన్సేషనల్ స్టార్ గా పేరు సంపాదించుకున్న విజయ్ దేవరకొండ రష్మిక జంటకు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. వెండితెరపై ఈ జోడీ చేసిన సందడి ప్రేక్షకులను ఎంతగానో ఆకట్టుకుంది. వెండితెరపై వీరిద్దరి మధ్య జరిగిన కెమిస్ట్రీ అంతా ఇంతా కాదు. ఈ విధంగా వెండితెరపై ప్రేక్షకులను అలరించిన ఈ జంట ఇకపై బుల్లితెరపై కూడా సందడి చేయనున్నారు.
బుల్లితెరపై ఈ జంట కలిసి ఏ షోలోనో, లేదా ఏ కార్యక్రమంలోనూ నటించలేదు. ఈ జంట కలిసి ఓ కమర్షియల్ యాడ్ ద్వారా బుల్లితెరపై సందడి చేయనున్నారు. టాలీవుడ్ సూపర్ స్టార్ మహేష్ బాబు వాణిజ్య ప్రచారకర్తగా కొనసాగుతున్న సబ్బుల తయారీ సంస్థకు ఇకపై విజయ్ దేవరకొండ -రష్మిక బ్రాండ్ అంబాసిడరుగా వ్యవహరించనున్నారు.
ఈ క్రమంలోనే వీరిద్దరిపై ఇటీవల యాడ్ కి సంబంధించిన షూటింగ్ ముంబైలోని ఓ హోటల్లో చిత్రీకరించారు. ఈ యాడ్ కోసం బంధించిన ఓ వీడియో క్లిప్పింగ్ ప్రస్తుతం నెట్టింట్లో చక్కర్లు కొడుతోంది. ఈ వీడియోలో విజయ్ దేవరకొండ మోకాళ్లపై కూర్చుని రష్మికకు ఏదో గిఫ్ట్ ఇస్తున్నట్లు ఉన్నటువంటి వీడియో ప్రస్తుతం సోషల్ మీడియాలో వైరల్ గా మారింది.
ఈ వీడియో చూసిన నెటిజన్లు ఈ జంట కేవలం వెండితెరపై మాత్రమే కాకుండా బుల్లితెరపై కూడా అందరిని ఫిదా చేసేలా ఉందని, కామెంట్లు పెడుతున్నారు. అయితే వీరిద్దరూ నటించిన ఈ కమర్షియల్ యాడ్ త్వరలోనే టెలికాస్ట్ కానుంది