Akhil: అఖిల్ అక్కినేని తాజాగా ఏజెంట్ సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఎన్నో అంచనాల నడుమ తెరకెక్కిన ఈ సినిమా ఏప్రిల్ 28వ తేదీ ప్రేక్షకుల ముందుకు రానుంది.సురేందర్ రెడ్డి దర్శకత్వంలో భారీ యాక్షన్ చిత్రంగా తెరకెక్కిన ఈ సినిమా ఇప్పటికే విడుదల కావాల్సి ఉండగా కొన్ని కారణాలవల్ల వాయిదా పడుతూ వచ్చింది.

ఇక ఈ సినిమా విడుదల తేదీ దగ్గర పడటంతో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ ప్రమోషన్ కార్యక్రమాలలో భాగంగా ఇంటర్వ్యూలకు హాజరవుతూ పెద్ద ఎత్తున సినిమాని ప్రమోట్ చేస్తున్నారు.ఈ ప్రమోషన్లలో భాగంగా తాజాగా ఈ సినిమా నుంచి ట్రైలర్ విడుదల చేసిన విషయం మనకు తెలిసిందే. ప్రస్తుతం ఈ ట్రైలర్ సోషల్ మీడియాలో వైరల్ అవుతుంది.

ఇకపోతే ఈ సినిమా ట్రైలర్ యూట్యూబ్ లో సంచలనాలను సృష్టిస్తుంది. ఈ క్రమంలోనే ఈ ట్రైలర్ విడుదలైన 24 గంటలలో 12 మిలియన్ కైవసం చేసుకుని బాలయ్య వీర సింహారెడ్డి ట్రైలర్ వ్యూస్ రికార్డును బద్దలు కొట్టిందని చెప్పాలి.బాలకృష్ణ వీరసింహారెడ్డి సినిమా ద్వారా ఈ ఏడాది సంక్రాంతి పండుగ సందర్భంగా ప్రేక్షకుల ముందుకు వచ్చి బ్లాక్ బస్టర్ హిట్ అందుకున్న విషయం మనకు తెలిసిందే.

Akhil:యూట్యూబ్ ను షేక్ చేస్తున్న ఏజెంట్ ట్రైలర్..

గోపీచంద్ మలినేని దర్శకత్వంలో వచ్చిన ఈ సినిమా ఎంతో మంచి సక్సెస్ అందుకుంది.ఈ క్రమంలోనే ఈ సినిమా నుంచి గతంలో ట్రైలర్ విడుదల కాగా 24 గంటల్లో యూట్యూబ్ లో 10 మిలియన్ వ్యూస్ కైవసం చేసుకుంది.అయితే ఈ రికార్డును అఖిల్ ఏజెంట్ ట్రైలర్ బద్దలు కొడుతూ 24 గంటలలో 12 మిలియన్ వ్యూస్ కైవసం చేసుకోవడంతో సినిమాపై భారీ అంచనాలను పెంచేసాయి. మరి అఖిల్ ఏజెంట్ ద్వారా హిట్ కొట్టబోతున్నారా లేదా అనే విషయం తెలియాల్సి ఉంది.