సినీ ఇండస్ట్రీలో నటీనటులకు అంత పాపులరిటీ రావడానికి కారణం వాళ్లను ఆదరించే అభిమానులు మాత్రమే. అభిమానులు, ప్రేక్షకుల ఆదరణ లేకపోతే నటీనటులకు అంత క్రేజ్ ఉండేది కాదు. అయితే టాలీవుడ్ లో లేడీ సూపర్ స్టార్ గా పేరుపొందిన విజయశాంతి నటన గురించి ఎంత చెప్పినా తక్కువే.
అయితే ఓ రోజు ఆమెకు బెంగుళూరు అభిమాని నుంచి ఓ విచిత్రమైన ఉత్తరం వచ్చింది. అందులో ఏముందంటే.. ప్రియమైన విజయశాంతి గారికి అంటూ రాశాడు ఆ అభిమాని. తాను సీఏ చదువుతున్నానని.. తనకు స్త్రీలతో స్నేహం చెయ్యడం అంటే ఎంతో ఇష్టమని.. వారి ద్వారా కలిగే ప్రేరణతో ఏదైనా సాధించగలమనే నమ్మకం ఉందంటూ రాసుకొచ్చాడు.
తనకు ఓ స్నేహితురాలు ఉందని.. ఆమె కూడా సీఏ చదువుతున్నారాని.. ఆమె ఇచ్చిన ప్రేరణతో ఇద్దరం పోటీ పడి చదువుతున్నానమని ఉత్తరంలో రాశాడు. అయితే ఆమె కంటే ఎక్కువ మార్కులు రావాలంటే ఈ ఉత్తరానికి రిప్లైగా ఒక ఫొటో పంపిస్తే సరిపోతుందంటూ వేడుకున్నాడు. ఈ ఉత్తరానికి మీరు సమాధానం ఇస్తే.. తాను క‌ష్ట‌ప‌డి చ‌దివి సీఏ పాసై, విదేశాల‌కు వెళ్లడానికి సహాయపడిన వాళ్లు అవుతారంటూ రాశాడు.
ఇట్లు మీ ప్రియాతి ప్రియమైన అభిమాని అంటూ ముగించాడు ఆ బెంగళూరు అభిమాని. విజయశాంతిపై అతడికి ఉన్న అభిమానానికి ఆమె ఎంతో ఆనందించారట. అయితే తనకు రిప్లై గా ఫొటో పంపించడంతో పాటు ఆల్ ది బెస్ట్ అంటూ సమాధానం కూడా ఇచ్చినట్లు తెలిసింది.