Vijayashanthi: వెండితెర రాములమ్మగా ఎంతో పేరు ప్రఖ్యాతలు సంపాదించుకున్న విజయశాంతి గురించి ప్రత్యేకంగా పరిచయం అవసరం లేదు. ఎన్నో లేడీ ఓరియంటెడ్ సినిమాల ద్వారా ఎంతో మంచి గుర్తింపు సంపాదించుకున్న విజయశాంతి తెలుగులో మాత్రమే కాకుండా ఇతర భాషలలో కూడా ఎన్నో అద్భుతమైన సినిమాలలో నటించి మెప్పించారు.

ఈ విధంగా ఇండస్ట్రీలో అగ్ర హీరోలందరి సరసన నటించి ఎంతో మంచి ఆదరణ సంపాదించుకున్న విజయశాంతి తాజాగా ఒక ఇంటర్వ్యూలో పాల్గొని తన సినీ కెరియర్ గురించి నెమరు వేసుకున్నారు. తన చిన్నప్పుడే తన తండ్రి గుండెపోటుతో మరణించారు. అయితే తన తండ్రి మరణాన్ని తలుచుకొని తన తల్లి కూడా మంచాన పడి కొద్ది రోజులకే చనిపోయిందని ఈమె తెలిపారు.

ఇలా తల్లిదండ్రులు ఇద్దరు కోల్పోవడంతో ఎవరి మీద ఆధారపడకుండా స్వసక్తితో పైకి వచ్చానని తెలిపారు.ఇక ఇండస్ట్రీలోకి వచ్చిన మొదట్లో తనకు 5000 రూపాయల రెమ్యూనరేషన్ ఇచ్చేవారు అందులో కూడా 2000 ఎగ్గొట్టి 3000 మాత్రమే రెమ్యూనరేషన్ ఇచ్చేవారు.ఇలా 3000 నుంచి కోటి రూపాయల రెమ్యూనరేషన్ తీసుకునే వరకు తాను ఎదిగానని విజయశాంతి తెలిపారు.

Vijayashanthi: మంటల్లో చిక్కుకుంటే ఆ హీరో కాపాడారు…

ఇక లేడి ఓరియంటెడ్ సినిమాలలో నటించే సమయంలో ఎన్నో సాహసభరితమైన సన్నివేశాలలో నటించాల్సి వచ్చింది. ఈ క్రమంలోనే చాలా సార్లు షూటింగులలో గాయపడి ఎన్నోసార్లు చావును దగ్గరగా చూసి బయటకు వచ్చానని తెలిపారు. ఒకసారి విమాన ప్రమాదం మరొకసారి నీటిలో కొట్టుకపోవడం ఇంకొకసారి అగ్ని ప్రమాదానికి గురి కావడం ఇలా చాలాసార్లు ప్రమాదానికి గురయ్యానని తెలిపారు. ఓ సినిమా షూటింగ్లో భాగంగా మంటల్లో చిక్కుకోవడంతో అందరూ భయంతో పరుగులు పెట్టినప్పటికీ నటుడు విజయ్ కాంత్ మాత్రం తనని రక్షించారని ఈమె అప్పటి సంఘటనలను గుర్తు చేసుకున్నారు.