Will Smith: ఆస్కార్ అవార్డు 2022 ప్రధానోత్సవ కార్యక్రమంలో భాగంగా హాలీవుడ్ నటుడు విల్ స్మిత్ మరొక నటుడు క్రిస్ రాక్ పై చేయి చేసుకున్న ఘటన ప్రస్తుతం చర్చనీయాంశంగా మారింది. ఈ అవార్డుల ప్రధానోత్సవంలో భాగంగా క్రిస్ రాక్ విల్ స్మిత్ అనారోగ్యంపై హాస్యాస్పదమైన వ్యాఖ్యలు చేయడంతో విల్ స్మిత్ తనపై చేయి చేసుకున్నారు.

ఇలా అందరి ముందు విల్ స్మిత్ తనపై చేయి చేసుకోవడంతో ఈ విషయం హాలీవుడ్ ఇండస్ట్రీలో హాట్ టాపిక్ గా మారింది.ఇక ఆవేశంలో తాను చేసిన తప్పుకు విల్ స్మిత్ బహిరంగంగా క్రిస్ రాక్ కి క్షమాపణలు చెప్పారు. ఈ విధంగా విల్ స్మిత్ క్షమాపణలు చెప్పినప్పటికీ AMPAS మాత్రం అక్కడితో వదిలేయలేదు.

 AMPAS అధ్యక్షుడు ఈ విషయమై అస్కార్స్ డిసిప్లినరీ కమిటీకి లేఖ రాయడంతో విల్ స్మిత్ చిక్కుల్లో పడ్డారు. ఈ విధంగా విల్ స్మిత్ క్రిస్ రాక్ పై చేయి చేసుకోవడంతో ఆయన హాలీవుడ్ ఫిల్మ్ అకాడమీకి రాజీనామా చేశారు.ఈ విధంగా ఇతను రాజీనామా చేయడమే కాకుండా తన సినీ కెరీర్ పై తీవ్రమైన ప్రభావం పడే అవకాశాలు కూడా చాలా ఉన్నాయి.

బయట పడటం కష్టమేనా…

విల్‌ హీరోగా ‘ఫాస్ట్‌ అండ్‌ లూజ్‌’ చిత్రం రూపొందించిన సంగతి తెలిసిందే. అయితే నెట్‌ఫ్లిక్స్ సంస్థ ఈ సినిమా హక్కులను కొనుగోలును ఉన్నఫలంగా హోల్డ్ లో పెట్టింది. ప్రస్తుతం ఉన్న పరిస్థితులను దృష్టిలో ఉంచుకుని నెట్‌ఫ్లిక్స్ ఈ ప్రాజెక్ట్ ను వదులుకోవడానికి కూడా ఎక్కువ అవకాశాలు ఉన్నాయని తెలుస్తోంది. ఇలా ఒక్క చెంపదెబ్బ కారణంగా విల్ స్మిత్ పూర్తిగా సినీ కెరియర్ ని కూడా కోల్పోయే పరిస్థితులు కనబడుతున్నాయి.