రష్మిక మందన్నా ఈ పేరు గురించి ప్రత్యేకంగా పరిచయం అవసరం లేదు. చలో సినిమా ద్వారా తెలుగు ప్రేక్షకులకు పరిచయమైన రష్మిక ఆ తర్వాత ఎన్నో అద్భుతమైన చిత్రాల్లో నటించి ఎంతో మంచి ప్రేక్షకాదరణ దక్కించుకున్నారు. ప్రస్తుతం ఈమె తెలుగు తమిళ కన్నడ హిందీ భాషలలో పలు చిత్రాల్లో నటిస్తూ బిజీగా ఉన్నారు. రష్మిక ఏకంగా పాన్ ఇండియా స్థాయి చిత్రాలలో నటించే అవకాశాన్ని దక్కించుకుంది.
సినిమాల పరంగా ఎంతో బిజీగా ఉండే రష్మిక సోషల్ మీడియాలో కూడా ఎంతో యాక్టివ్ గా ఉంటారు. ఈ క్రమంలోనే రష్మిక ఇంటర్వ్యూలో తన రిలేషన్‌షిప్‌ స్టేటప్‌పై ఓపెన్‌ అప్‌ అయ్యింది. ఈ క్రమంలోనే ఒక మీడియా వ్యక్తి మీరు మీ కన్నా చిన్న వ్యక్తితో డైటింగ్ చేస్తారా? అని ప్రశ్నించగా అందుకు రష్మిక తనదైన శైలిలో సమాధానం చెప్పారు.
ఈ సందర్భంగా రష్మిక మాట్లాడుతూ వయసుకు ప్రేమకు ఏమాత్రం సంబంధం లేదని.. మనసుకు నచ్చిన వారిని మన లైఫ్ పార్ట్నర్ గా ఎంచుకుంటే తప్పేముందని దానికి వయసుతో పని ఏముందని తెలిపారు. మనం వారితో ఏ విధంగా ప్రవర్తిస్తాము అనేది ముఖ్యం అంతేకానీ వారు మనల్ని మార్చడం కోసం ప్రయత్నించకూడదు అంటూ రష్మిక పలు ఆసక్తికరమైన విషయాలను వెల్లడించారు.
ఇక రష్మిక సినిమాల విషయానికి వస్తే ఈమె సుకుమార్ దర్శకత్వంలో తెరకెక్కుతున్న పుష్ప అనే సినిమాలో నటిస్తున్నారు. అదేవిధంగా శర్వానంద్ హీరోగా ఆడాళ్ళు మీకు జోహార్లు అనే సినిమాలో కూడా నటిస్తున్నారు. అలాగే బాలీవుడ్ ఇండస్ట్రీలో వరుసగా మూడు చిత్రాలలో నటిస్తూ ఎంతో బిజీగా ఉన్నారు.