Taraka Ratna: తెలుగు చిత్ర పరిశ్రమలో నందమూరి కుటుంబానికి ఎలాంటి ఆదరణ ఉందో మనకు తెలిసిందే. నందమూరి తారక రామారావు ఇండస్ట్రీలో హీరోగా మాత్రమే కాకుండా ఆంధ్రప్రదేశ్ రాష్ట్ర రాజకీయాలలో కూడా తనకంటూ ఓ చరిత్ర సృష్టించుకున్నారు.అయితే ఈయన రాజకీయ వారసులుగా నందమూరి కుటుంబ సభ్యులు కాకుండా నారావారి కుటుంబ సభ్యులు పార్టీ పగ్గాలను తమ చేతిలోకి తీసుకున్నారు.

అయితే నందమూరి వారసులు మాత్రం ఇండస్ట్రీలో హీరోలుగా కొనసాగుతూనే మరోవైపు రాజకీయాలలోకి కూడా వెళ్తున్నారు. ఇప్పటికే బాలకృష్ణ ఒకవైపు సినిమాలు మరోవైపు ఎమ్మెల్యేగా కొనసాగుతున్నారు. ఈ క్రమంలోనే మరొక నందమూరి వారసుడు తెలుగుదేశం పార్టీ గెలుపు కోసం తనవంతు కృషి చేయనున్నట్లు తెలుస్తుంది.నందమూరి హీరోగా ఇండస్ట్రీలో పలు సినిమాలలో నటించిన తారకరత్న సినిమాలలో పెద్దగా సక్సెస్ సాధించలేకపోయారు.

ఈ క్రమంలోనే ఈయన వచ్చే ఎన్నికలలో తెలుగుదేశం పార్టీ తరపున ప్రచారం చేయడమే కాకుండా ఎన్నికలలో పోటీకి దిగి పార్టీ విజయానికి కృషి చేయనున్నట్లు సమాచారం. అయితే ఈయన ఏ నియోజకవర్గం నుంచి పోటీ చేస్తున్నారనే విషయంలో స్పష్టత లేకపోయినా టిడిపికే అనుకూలంగా ఉన్న నియోజకవర్గంలో పోటీ చేయాలని అభిమానులు భావిస్తున్నారు.

Taraka Ratna: వచ్చే ఎన్నికలలో పోటీకి సై అంటున్న తారకరత్న..

ఇక ఈయన వచ్చే ఎన్నికలలో తప్పనిసరిగా పోటీ చేస్తారని ఇందులో భాగంగానే ఈయన నారా లోకేష్ ను కలిసి పార్టీ వ్యవహారాల గురించి ప్రస్తావించినట్టు తెలుస్తోంది.ఇక గత కొద్ది రోజుల క్రితం తారకరత్న ఎన్టీఆర్ కూడా సరైన సమయానికి పార్టీ ప్రచార కార్యక్రమాలలో పాల్గొంటారని చేసినటువంటి కామెంట్స్ కూడా వైరల్ అవుతున్నాయి.ఇక ఈయన ఎన్నికలలో పోటీకి దిగబోతున్నారని తెలియడంతో అభిమానులు సినిమాలలో సక్సెస్ సాధించకపోయినా కనీసం రాజకీయాలలో అయినా సక్సెస్ సాధిస్తారా అంటూ సందేహాలను వ్యక్తపరుస్తున్నారు.