R.K Roja: రోజా మంత్రి అయిన తర్వాత ఆమె భర్త సెల్వమణి చేసిన వ్యాఖ్యలు ప్రస్తుతం సంచలనంగా మారాయి.తమిళ సినిమాలు కేవలం చెన్నైలో మాత్రమే షూటింగ్ జరుపుకోవాలని వైజాగ్ వంటి ప్రాంతాల్లో షూటింగ్ జరుపుకోకూడదని ఆయన చేసిన వ్యాఖ్యలను తెలుగుదేశం పార్టీ నేతలు తప్పు పడుతున్నారు.

ఈ క్రమంలోనే సెల్వమణి ఈ విషయం గురించి ఎంత వివరణ ఇచ్చినప్పటికీ తెలుగుదేశం పార్టీ నేతలు సెల్వమణి మాటలను తప్పుగా భావిస్తున్నారు.ఈ క్రమంలోనే ఈ విషయం మంత్రి రోజా దృష్టికి రావడంతో ఆమె తన భర్త మాటలకు వివరణ ఇచ్చారు. ఈ సందర్భంగా రోజా మాట్లాడుతూ తన భర్త అన్న మాటలను తప్పుగా అర్థం చేసుకున్నారని తెలియజేశారు.

తెలుగుదేశం పార్టీ నేతలు ఉద్దేశపూర్వకంగానే తన భర్త అన్న మాటలను వక్రీకరిస్తున్నారని ఈమె వెల్లడించారు. తమిళనాడుచిత్ర పరిశ్రమకు చెందిన సినిమాలు అక్కడే షూటింగ్ జరుపుకుంటుంటే అక్కడ కార్మికులకు ఉపాధి దొరుకుతుందన్న ఉద్దేశంతోనే తన భర్త అలా మాట్లాడాలని రోజా వివరణ తెలిపారు. ఇకపోతే ఏపీ ప్రభుత్వం వైజాగ్ లో సినిమా షూటింగ్ జరుపాలని జీవో విడుదల చేసినప్పటికీ వైజాగ్ లో చిత్రీకరణ జరగడంలేదని ఈమె తెలియజేశారు.

మంచి జరగాలన్న ఉద్దేశంతోనే…

మాకు ఏపీ అంటే అభిమానం ఉంది కనుక ఇక్కడే ఇల్లు కట్టుకుని ఉన్నాం. మరి చంద్రబాబు నాయుడు లోకేష్ బాలకృష్ణ ఏపీలో ఎందుకు ఇల్లు కట్టుకోవడం లేదని ఆమె ప్రశ్నించారు.అందరికీ మంచి జరగాలని ఉద్దేశంతోనే తన భర్త ఇలాంటి వ్యాఖ్యలు చేశారని అయితే టిడిపి ప్రభుత్వం మాత్రం తన స్వార్థం కోసం తన భర్త మాట్లాడిన మాటలను వక్రీకరిస్తున్నారని రోజా ఈ విషయం గురించి క్లారిటీ ఇచ్చారు.ఇక ఈ విషయంపై స్పందించి వివరణ ఇచ్చిన తరువాత ఈ వివాదం ఇంతటితో ముగుస్తుందా లేదా అనే విషయం తెలియాల్సి ఉంది.