Dasari Arun Kumar: టాలీవుడ్ దర్శకుడు, సినీ పెద్ద దివంగత దాసరి నారాయణరావు వారసులుగా ఇండస్ట్రీలోకి అడుగు పెట్టిన ఆయన తనయుడు దాసరి అరుణ్ కుమార్ హీరోగా పలు చిత్రాలలో నటించి మంచి గుర్తింపు సంపాదించుకున్నాడు. అయితే దాసరి మరణం తర్వాత అరుణ్ ఇండస్ట్రీలో పెద్దగా సందడి చెయ్యలేదని చెప్పాలి. తన తండ్రి మరణం తర్వాత ఇండస్ట్రీకి దూరమైన అరుణ్ ఎన్నో సమస్యలలో ఇరుక్కున్నాడు.

తాజాగా ఈయన పై పోలీసులు కేసు నమోదు చేశారు. ఈ సందర్భంగా దాసరి అరుణ్ కుమార్ ర్యాష్ డ్రైవింగ్ చేస్తూ 2 ద్విచక్ర వాహనాలను ఢీకొట్టడంతో పోలీసులు ఇతనిపై కేసును నమోదు చేసుకున్నారు. ఈ క్రమంలోనే ఇతనిపై బంజారాహిల్స్ పోలీస్ స్టేషన్లో కేసు నమోదైంది.

ఈ విధంగా అరుణ్ కుమార్ కారు అతి వేగంగా నడుపుతూ బైక్ ఢీ కొట్టడంతో అతను మద్యం సేవించి ఉంటారని పోలీసులు భావిస్తున్నారు. ఈ క్రమంలోనే దాసరి అరుణ్ కు పోలీసులు బ్రీత్ అనలైజర్ పరీక్షలు చేస్తున్నారు. అదేవిధంగా యాక్సిడెంట్ కు సంబంధించిన సీసీటీవీ ఫుటేజీలను కూడా పోలీసులు పరిశీలిస్తున్నారు.

హీరోగా సందడి చేసిన అరుణ్

దాసరి వారసుడిగా ఇండస్ట్రీ లోకి అడుగుపెట్టిన అరుణ్ సామాన్యుడు, చిన్న, ఆదివిష్ణు వంటి సినిమాలలో హీరోగా సందడి చేశారు.అయితే దాసరి మరణాంతరం ఈయన సినిమా ఇండస్ట్రీకి దూరమైన పలు వ్యాపారాలను చూసుకుంటున్నట్లు తెలుస్తోంది. ఈ క్రమంలోనే ఈయన ర్యాష్ డ్రైవింగ్ కారణంగా పోలీసులకు పట్టుబడటంతో ప్రస్తుతం బంజారాహిల్స్ పోలీస్ స్టేషన్ లో ఉన్నారు.