Tollywood Interesting Facts: సాధారణంగా సినిమా ఇండస్ట్రీలో కొన్నిసార్లు ఒకే తరహా సినిమాలు రెండు మూడు రావడం సర్వసాధారణం. కథలో కొన్ని మార్పులు చేర్పులు ఉన్నప్పటికీ కథాంశం మాత్రం ఒకటే ఉంటుంది. ఇలా ఎన్నో సినిమాలు బాక్సాఫీస్ వద్ద ప్రేక్షకుల ముందుకు వచ్చి మంచి విజయాలను అందుకున్నవి ఉన్నాయి. ఈ క్రమంలోనే నట రత్న ఎన్టీఆర్ నట శేఖర్ కృష్ణ మధ్య ఈ విధమైనటువంటి పోటీ ఏర్పడింది.

కొమ్మూరు వేణుగోపాల్ రావు రాసిన ప్రేమ నక్షత్రం నవల ఆధారంగా కృష్ణ హీరోగా అదే పేరుతో ప్రేమ నక్షత్రం అనే సినిమా తెరకెక్కింది. ఈ నవలలో పెద్దగా మార్పులు చేయకుండా అదే తరహాలో ఈ సినిమాని తెరకెక్కించారు. ఇందులో కృష్ణ సరసన శ్రీదేవి నటించారు. ఇక ఈ సినిమాకి పి.సాంబశివరావు దర్శకత్వం వహించారు. ఈ సినిమాలో శ్రీదేవి కృష్ణ భార్యాభర్తలుగా నటించారు. వీరిద్దరూ ఒకే కంపెనీలో పని చేస్తుంటారు అయితే ఆ యజమానికి ప్రేమ పెళ్లి అంటే నచ్చదు.

ఎన్నో సినిమాలలో ధైర్యంగా ఎవరినైనా ఎదిరించే పాత్రలో నటించిన కృష్ణ ఈ సినిమాలో తన యజమానికి భయపడుతూ నటించడం ప్రేక్షకులు జీర్ణించుకోలేకపోయారు. ఇలా 1982 ఆగస్టు ఆరో తేదీన విడుదలైన ఈ సినిమా పెద్దగా ప్రేక్షకులను సందడి చేయలేక పోయిందని చెప్పాలి.

అప్పటికే ఆంధ్రప్రదేశ్ ముఖ్యమంత్రిగా బాధ్యతలు…

ఇలా ఈ సినిమా విడుదలైన ఆరు నెలలకు ఎన్టీఆర్ నటించిన సింహం నవ్వింది అనే సినిమా విడుదలయింది బాలకృష్ణ యువ కథానాయకుడిగా నటించిన ఈ సినిమాకి యోగానంద దర్శకత్వం వహించారు. ఇది ఎన్టీఆర్ సొంత చిత్రం ఈ సినిమా సమయానికి ఎన్టీఆర్ ఆంధ్ర ప్రదేశ్ ముఖ్యమంత్రిగా బాధ్యతలు చేపట్టారు. ఇక ఈ సినిమా కృష్ణ నటించిన ప్రేమ నక్షత్రం సినిమా కథ రెండు దాదాపు ఒకటే ఉన్నాయి. ఈ రెండు చిత్రాలలో ఆఫీస్ లో యజమాని ప్రేమ పెళ్లిలకు వ్యతిరేకంగా కనిపిస్తారు. కానీ ఈ సినిమా కథ మొత్తం సీనియర్ ఎన్టీఆర్ చుట్టూ తిరుగుతూ ఉండటం వల్ల ఈ సినిమా బాక్సాఫీస్ వద్ద బోల్తా కొట్టింది.