Upasana: ఇండస్ట్రీలో ఎంతో పేరు ప్రఖ్యాతలు సంపాదించుకున్న మెగా కుటుంబం నుంచి రాంచరణ్ మెగా వారసుడిగా ఇండస్ట్రీలోకి అడుగుపెట్టి ఎంతో అద్భుతమైన గుర్తింపు సంపాదించుకున్నారు పెళ్లి చేసుకుని పది సంవత్సరాలు పూర్తి అయినప్పటికీ ఇంకా పిల్లల గురించి ఏ విషయం ఆలోచించకపోవడంతో మెగా అభిమానులు కొంతమేర నిరాశ వ్యక్తం చేశారు. ఇకపోతే రెండు రోజుల క్రితం మెగాస్టార్ చిరంజీవి ఈ విషయాన్ని సోషల్ మీడియా వేదికగా అధికారికంగా తెలియజేయడంతో మెగా అభిమానుల ఆనందానికి అవధులు లేకుండా పోయాయి.
ఇలా మెగా కుటుంబ సభ్యులతో పాటు మెగా అభిమానులు కూడా ఎంతో సంతోషం వ్యక్తం చేస్తూ ఈ దంపతులకు శుభాకాంక్షలు తెలియజేస్తున్నారు. ఈ క్రమంలోనే పిల్లల విషయం గురించి గతంలో ఉపాసన చేసినటువంటి కామెంట్స్ ప్రస్తుతం వైరల్ అవుతున్నాయి. ఈ సందర్భంగా ఉపాసన పిల్లల్ని కనడం గురించి మాట్లాడుతూ.. పిల్లల్ని కనడం అంటే 20 ఏళ్ల ప్రాజెక్టు అని ఈమె తెలిపారు.
పిల్లల్ని కనడానికి మానసికంగా శారీరకంగా సిద్ధంగా ఉండాలి. ఈ ప్రపంచంలోకి ఒక ప్రాణిని తీసుకురావడం అనేది చాలా పెద్ద బాధ్యత వారు పుట్టిన తర్వాత వారికి ఏం కావాలి ఏం చేయాలి అనే విషయాలు గురించి ముందుగానే సన్నద్ధం అయిన తర్వాత పిల్లల గురించి ఆలోచించాలని ఇలాంటి విషయాల గురించి పూర్తిగా అవగాహన వచ్చిన తర్వాతే పిల్లల కోసం ప్లాన్ చేయాలని ఈమె తెలిపారు.
Upasana: పిల్లలను కనడానికి శారీరకంగా మానసికంగా దృఢంగా ఉండాలి…
ఈ సందర్భంగా పిల్లలకు కావలసిన అవసరాలన్నింటిని ముందుగానే సమకూర్చి పిల్లలను ప్లాన్ చేసుకోవాలంటూ గతంలో ఉపాసన చేసిన ఈ కామెంట్స్ వైరల్ అవుతున్నాయి. అయితే పిల్లలను కనడాన్ని కూడా ఉపాసన ఒక బిజినెస్ ఉమెన్ గా బిజినెస్ యాంగిల్ లోనే చెప్పారని చెప్పాలి. ఇలా ఉపాసన చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.