త్వరలో బాలీవుడ్‌లోకి అడుగుపెట్టనున్న విజయ్ దేవరకొడ, నేషనల్ క్రష్ రష్మికా గత కొంతకాలంగా రిలేషన్‌షిప్‌లో ఉన్నట్లు పుకార్లు వస్తున్నాయి. ఈ పుకార్లకు బలం చేకూరే విధంగా వీళ్లిద్దరు ముంబైలో ఓ రెస్టారెంట్ లో డిన్నర్ డేట్ చేసి బయటకు వస్తున్నక్రమంలో అక్కడే ఉన్న కెమెరాలకు చిక్కారు. వాళ్ల ఫొటోలు, వీడియోలు తీసి సోషల్ మీడియాలో పోస్టు చేశారు.
ప్రస్తుతం అవి వైరల్ గా మారాయి. అక్కడ మొదట విజయ్ దేవరకొండ రెస్టారెంట్ నుంచి బయటకు వచ్చి తన కారులో కూర్చోగా.. అతడి వెనకాల నుంచి వచ్చిన రష్మిక వెళ్లి అతడి కారులోనే కూర్చుంది. ఇక ఈ వీడియోలనకు చూసిన నెటిజన్లు వివిధ రకాలుగా స్పందిస్తున్నారు. ఓ మై గాడ్.. క్రష్మిత మరియు ప్రేమకొండ. ఈ సౌత్ జోడి అలియా మరియు రన్‌బీర్‌ల జోడీని తలపిస్తోందిగా అంటూ కామెంట్లు చేస్తున్నారు.
త్వరలోనే వీళ్ల ప్రేమ విషయం బయటపెడతారని ఇంకొకరు కామెంట్ చేశారు. ఇక వీరిద్దరు జంటగా నటించిన సినిమాలు రెండు. 2018లో వచ్చిన ‘గీత గోవిందం’ సూపర్ డూపర్ హిట్ అయింది. ఆ తర్వాత ‘డియర్ కామ్రేడ్’తో స్క్రీన్ షేర్ చేసుకున్నాడు. ఈక్రమంలో తెరపై హిట్ పెయిర్‌గా పేరు తెచ్చుకున్న విజయ్, రష్మిక డేటింగ్‌లో ఉందని అంటున్నారు.
వీరిద్దరూ డేటింగ్‌లో ఉన్నారని, వీరి మధ్య ఏదో నడుస్తోందని గత కొంతకాలంగా ప్రచారం జరుగుతోంది. అయితే విజయ్, రష్మిక ఒకానొక సందర్భంలో తమపై వస్తున్న వార్తలపై స్పందిస్తూ అవన్నీ పుకార్లేనని.. తాము మంచి స్నేహితులం మాత్రమేనని చెప్పారు. ఇక.. త్వరలో విడుదల కానున్న మిషన్ మజ్నులో సిద్ధార్థ్ మల్హోత్రా సరసన రష్మిక కనిపించనుండగా.. విజయ్ ‘లైగర్’ విడుదలకు సిద్ధమవుతున్నారు. ఇందులో అనన్య పాండే మరియు బాక్సింగ్ లెజెండ్ మైక్ టైసన్ కూడా నటించారు.