నటీనటులు: అజయ్ కుమార్ కథుర్వార్, డింపుల్ హయతి
దర్శకుడు: వేణు ముల్కల
నిర్మాత: తాటికొండ ఆనందమ్ బాలకృష్ణన్
మ్యూజిక్ డైరెక్టర్: సత్య సాగర్ పొలమ్
సినిమాటోగ్రాఫర్: ప్రదీప్ దేవ్
ఎడిటర్: విశ్వనాథ్
కొరియోగ్రఫి: రామ్ ఇసుకపాటి
బ్యానర్: గోల్డెన్ డక్ ప్రొడక్షన్స్
రిలీజ్ డేట్: 2022-02-18
అజయ్ కతుర్వార్ క‌థానాయ‌కుడిగా ప‌రిచ‌యమవుతున్న చిత్రం విశ్వక్. గోల్డెన్ డక్ ప్రొడక్షన్స్ బ్యానర్ పై తాటికొండ ఆనందం బాల కృష్ణ నిర్మించారు. వేణు ముల్కాకా ద‌ర్శ‌కునిగా ప‌రిచ‌య‌మ‌వుతున్నారు. కాగా ఈ సినిమా మంచి బజ్ తో ప్రేక్షకుల ముందుకు వచ్చేసింది. ముఖ్యంగా యూత్ ని , ఫ్యామిలీస్ ని టార్గెట్ చేసిన ఈ సినిమా ఎలా ఉంది… ప్రేక్షకుల్ని ఏ మేరకు మెప్పించిందో చూద్దాం.
కథ విషయానికి వస్తే….
విశ్వక్ ను (అజయ్) అమెరికా పంపించాలని వాళ్ల నాన్న పట్టుబడతాడు. కానీ అజయ్ కి అమెరికా వెళ్లడం అస్సలు ఇష్టముండదు. ఇక్కడే ఉండి బిజినెస్ చేస్తా అంటాడు. ఆ విషయంలో తండ్రితో మనస్పర్థలు ఏర్పడుతాయి. ఇదే ప్రయాణంలో తనలాంటి భావాలే ఉన్న అమ్మాయితో ప్రేమలో పడతాడు. ఆ తర్వాత తండ్రి ఇచ్చిన డబ్బుతో బిజినెస్ స్టార్ట్ చేస్తాడు. అంతా బాగానే ఉంది అనుకుంటాడు. కానీ బిజినెస్ బాగా లాస్ అవుతుంది. తాను ఆనుకున్న కాన్సెప్ట్ ని స్పాన్సర్ చేసేందుకు ఏ సంస్థ కూడా ముందుకు రాదు. ఆఖరికి అమెరికా సంస్థ కూడా ఛీ కొడుతుంది. దీంతో కంపెనీ మూసే పరిస్థితికి చేరతాడు. ఆ తర్వాత మరోసారి కంపెనీ ఓపెనే చేసినప్పటికీ సక్సెస్ కాలేక పోతాడు. దీంతో ఇంట్లో గొడవలు జరుగుతాయి. తాను ప్రేమించిన అమ్మాయి కూడా దూరమవుతుంది. అదే సమయంలో అమెరికా వెళ్లాలనుకున్న ఒకరిని కిడ్నాప్ చేస్తాడు. అంతేకాదు ఇక్కడే ఉండి టాక్సులు కడుతున్న మరో వ్యక్తిని కూడా కిడ్నాప్ చేస్తాడు. ఎన్నారైలకు సవాల్ విసురుతాడు. ఇంతకూ అజయ్ ఏం చెప్పాలనుకున్నాడు. ఏం చేయలానుకున్నాడు. తాను బిజినెస్ లాస్ కావడానికి కారణాల్ని కనుక్కున్నాడా. తాను అనుకున్న గోల్ రీచ్ కాగలిగాడా లేదా అన్నది అసలు సినిమా.
మూవీ విశ్లేషణ :
ముందుకు ఈ చిత్ర హీరో అజయ్ గురించి మాట్లాడుకోవాలి. దర్శకుడు అనుకున్న పాయింట్ కు సరిగ్గా సరిపోయాడు. యూత్ ని రిప్రజెంట్ చేస్తూనే బాధ్యత కలిగిన భారతీయుడి పాత్రలో చాలా బాగా నటించాడు. సినిమాలో చాలా డైలాగ్స్ ఉన్నాయి. ముఖ్యంగా ఆవేశంతో కూడిన డైలాగ్స్ ని తనదైన ఎక్స్ ప్రెషన్స్ తో మెప్పించాడు. ఎక్కడా తన యాక్టింగ్ బోర్ కొట్టలేదు. పాత్రలో లీనమై నటించాడు. తనకిచ్చిన పాత్రకు పూర్తి న్యాయం చేశాడు. ఈ సినిమా తన కెరీర్ కు మరో మెట్టు ఎక్కించేలా యాక్టింగ్ చేసి చూపించాడు. తన లుక్స్ తో మెప్పించాడు. ఈ సినిమాలో చాలా మంది కొత్త నటీనటులు పరిచయమయ్యారు. వారంతా కూడా మంచి అనుభవం ఉన్న వారిలా నటించారు. ప్రతీ క్యారెక్టర్ కు ఇంపార్టెన్స్ ఉంది ఇందులో. పాత్రలకు తగ్గట్టుగా ఆర్టిస్టులు చాలా నటించారు.
ఇక దర్శకుడి విషయానికి వస్తే. ఈ తరహా సబ్జెక్ట్ ఎంచుకోవడానికి ముందుగా గట్స్ కావాలి. ఇలాంటి సోషల్ మెసేజ్ ను ఇవ్వాలి అంటే చాలా ఆలోచించాలి. కానీ దర్శకుడు తాను అనుకున్న విషయాన్ని చాలా బాగా ఎగ్జిక్యూట్ చేయగలిగాడు. భారతీయతను ఎక్కడా తగ్గకుండా టెక్నాలజి, అభివృద్ధి, మన దగ్గర జరుగుతున్న ఆత్మహత్యల్ని ఇలా చాలా అంశాల్ని టచ్ చేశాడు. ఓ పెద్ద సినిమా చూస్తున్న ఫీలింగ్ కలుగుతుంది. ఇలాంటి కథను చెప్పేటప్పుడు సాధారణంగా బోర్ కొడుతుంది. కానీ దర్శకుడు మాత్రం ప్రతీ సీన్ ను కూడా జాగ్రత్తగా ఎక్కడా బోర్ కొట్టనీయకుండా హ్యాండిల్ చేశాడు. ముఖ్యంగా …. సిటీలో ఉండే విశ్వక్ పాత్రను, గ్రామంలో ఉండే వీరయ్య పాత్రలు ఆలోచించే తీరును ప్రెజెంట్ చేసిన విధానం చాలా బాగుంది. సిటీలో ఉండే వాళ్లు ఎలా ఆలోచిస్తున్నారు… గ్రామాల్లో ఉండే యూత్ ఎలా ఆలోచిస్తుందో చక్కగా చూపించగలిగాడు. జాన్స్ కి విశ్వక్ కు మధ్య జరిగే సీన్, తండ్రికి కొడుకుకు మధ్య జరిగే మాటల యుద్ధం, ఫ్రెండ్స్ మధ్య జరిగే వార్, మిలిటరీ ఆఫీసర్ కు హీరోకు మధ్య జరిగే సంభాషణలు, ఇండియా రూమ్ లో జరిగే డిస్కషన్స్, హీరోయిన్ ను గురించి హీరో చెప్పే బ్రేకప్ డైలాగ్స్ సినిమాకు హైలైట్ గా నిలిచాయి. ముఖ్యంగా డైలాగ్స్ చాలా పవర్ ఫుల్ గా రాసుకున్నారు. థియేటర్స్ లో విజిల్స్ పడుతున్నాయంటే కారణం హీరో పెర్ ఫార్మెన్స్, డైలాగ్స్ వల్లనే అని చెప్పాలి. ర‌చ‌యిత రాము బాగా మాట‌లు రాశాడు. దర్శకుడు వేణు ఈ సినిమాతో సక్సెస్ సాధించాడనే చెప్పాలి.
చిత్ర నిర్మాత ఆనందం బాలకృష్ణను మెచ్చుకోవాలి. ఈ తరహా సినిమాల్ని అందరూ తీయలేరు. ఈ కాన్సెప్ట్ ని అర్థం చేసుకొని దర్శకుడికి మంచి ఫ్రీడమ్ ఇచ్చాడని అర్థమవుతుంది. క్వాలిటీలో ఎక్కడా రాజీ లేకుండా సినిమా రూపొందించి గ్రాండ్ గా రిలీజ్ చేశారు. ఈ ప్రాజెక్ట్‌కు సంగీత దర్శకుడు స‌త్య‌సాగ‌ర్ ప్రధాన బలం. అద్భుతమైన పాటలందించాడు. ప్రతీ పాట సన్నివేశపరంగా బాగా కుదిరాయి. బ్యాక్ గ్రౌండ్ స్కోర్ తో సినిమాను మరో లెవల్ కు పెంచాడు. ప్రతీ పాట ఈసినిమాకు ప్రత్యేకమనే చెప్పాలి. గీత ర‌చ‌యిత ఎంతో ప్రాణం పెట్టి రాశారు. అర్థ‌వంతంగా వున్నాయి. ప్రదీప్ కెమెరా అద్భుతంగా వ‌చ్చింది.
ఓవరాల్ గా చిత్ర కథ, హీరో పెర్ ఫార్మెన్స్, డైలాగ్స్, ఫ్రెండ్స్ క్యారెక్టర్స్ సపోర్ట్, మంచి పాటలు, సాహిత్యం, కెమెరా వర్క్, నిర్మాణాత్మక విలువలు, ఫైనల్ గా దర్శకత్వ ప్రతిభ విశ్వక్ ను విశ్వవ్యాప్తం చేసిందనే చెప్పాలి. అన్ని ప్రాంతాల వారు అన్ని వర్గాల వారు చూసే చిత్రమిది. ఈ తరహా చిత్రాల్ని ఆదరించాల్సిన సమయమిది. సో గో అండ్ వాచిట్ ఇన్ థియేటర్స్