Actor Nani: నాచురల్ స్టార్ నాని విభిన్న కథ సినిమాల ద్వారా ప్రేక్షకుల ముందుకు వస్తూ ప్రేక్షకులను సందడి చేస్తున్నారు. అయితే తాజాగా ఈయన దసరా సినిమా ద్వారా ప్రేక్షకుల ముందుకు రాబోతున్నారు. ఈ సినిమా మార్చి 30వ తేదీ ప్రేక్షకుల ముందుకు రానున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు.
ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్నటువంటి నాని ఈ సినిమాలో కొన్ని సన్నివేశాలు గురించి షాకింగ్ కామెంట్స్ చేశారు. ఈ సినిమా ప్రమోషన్ లో పాల్గొన్నటువంటి ఈయనకు మీడియా ప్రతినిధి నుంచి ఒక ఆసక్తికరమైన ప్రశ్న ఎదురయింది. ఈ సినిమాలో నటించడం కోసం కొన్ని సన్నివేశాలలో నాని మందు కొట్టారని వార్తలు వస్తున్నాయి ఇందులో నిజం ఎంత అని ప్రశ్నించారు.
ఈ ప్రశ్నకు నాని సమాధానం చెబుతూ కొన్ని సన్నివేశాలలో కళ్ళు ఎర్రగా కావడం, మందు కొట్టే మ్యానరిజమ్స్ ఉండడంతో డైరెక్టర్ శ్రీకాంత్ కొన్ని సన్నివేశాలలో మందు కొట్టి నటించాల్సి ఉంటుంది. మీకు ఏమైనా అభ్యంతరమా అని ప్రశ్నించారు. అయితే తనకు ఎలాంటి అభ్యంతరం లేదని తెలిపానని నాని వెల్లడించారు.
Actor Nani: కథ డిమాండ్ చేయడంతోనే…
ఇలా కథ డిమాండ్ చేయడంతో తాను తప్పనిసరి పరిస్థితులలో మందు తాగి నటించానని ఈ సందర్భంగా నాని చేసినటువంటి ఈ కామెంట్స్ వైరల్ అవుతున్నాయి. ఇక ఈ సినిమాతో శ్రీకాంత్ ఓదెల అనే నూతన దర్శకుడు ఇండస్ట్రీకి పరిచయం కాగా,ఈ చిత్రాన్ని సుధాకర్ చెరుకూరి ఎంతో ప్రతిష్టాత్మకంగా నిర్మించారు. ఈ సినిమాలో నాని సరసన మరోసారి కీర్తి సురేష్ సందడి చేశారు. సింగరేణి బొగ్గు గనుల నేపథ్యంలో రాబోతున్న ఈ చిత్రంలో నాని కీర్తి సురేష్ డీ గ్లామర్ పాత్రలో నటించి సందడి చేయబోతున్నారు.
