దర్శక ధీరుడు ఎస్ ఎస్ రాజమౌళి ఎంతో ప్రతిష్టాత్మకంగా తెరకెక్కించిన ఆర్ఆర్ఆర్ సినిమా గురించి ప్రత్యేకంగా చెప్పాల్సిన పనిలేదు. ఈ సినిమా జనవరి 7వ తేదీన ప్రేక్షకుల ముందుకు రానున్న నేపథ్యంలో ఈ సినిమాపై అంచనాలు పెరిగాయి. ఈ క్రమంలోనే ఇప్పటి నుంచి పెద్ద ఎత్తున సినిమా ప్రమోషన్ కార్యక్రమాలు చేపడుతున్నారు.
ఇలా ఈ సినిమా నుంచి వరుస అప్డేట్ విడుదల చేస్తూ ప్రేక్షకులకు ఆసక్తిని రేకెత్తిస్తోంది. తాజాగా ముంబైలో ఈ సినిమా ట్రైలర్ ను విడుదల చేసిన సంగతి మనకు తెలిసిందే. ఈ వేడుకల్లో భాగంగా రాజమౌళి, ఎన్టీఆర్, అలియా భట్, అజయ్ దేవగన్, నిర్మాత డి.వి.వి.దానయ్య పాల్గొన్నారు. ఈ కార్యక్రమంలో భాగంగా ఆలియాభట్ రాజమౌళి పక్కన కూర్చుంది.
ఈమె రాజమౌళి పక్కన కూర్చుని కాలుపై కాలు వేసుకునే క్రమంలో తన కాలు రాజమౌళికి తగిలింది. ఇలా కాలు తగిలిన ఏ మాత్రం తన ఒక స్టార్ హీరోయిన్ అనే అహంకారాన్ని ప్రదర్శించకుండా.. తన స్టార్ డమ్ పక్కనపెట్టి తన కాళ్ళు రాజమౌళికి తగిలినందుకు ఈమె ఏకంగా తన కాళ్లకు దండం పెట్టబోయింది. ఇక అలియా తన కాళ్లకు మొక్కడానికి ప్రయత్నించడంతో రాజమౌళి వద్దని చేతిని అడ్డు పెట్టారు.
ఈ క్రమంలోనే ఇందుకు సంబంధించిన ఫోటో సోషల్ మీడియాలో పెద్ద ఎత్తున వైరల్ గా మారింది.ఈ ఫోటో చూసిన నెటిజన్లు ఇలా ఒక స్టార్ హీరోయిన్ అయినప్పటికీ ఎంతో సంస్కారంతో కాలు తగిలి నందుకు తన కాళ్లు మొక్కడానికి ప్రయత్నించడంతో ఈమె మంచితనం పై ప్రశంసలు కురిపిస్తున్నారు.