అప్పటి వరకు కుటుంబ పరమైన చిత్రాలను మాత్రమే తీసే కె.విశ్వనాధ్ సిరిసిరిమువ్వ తో ఒక్కసారిగా కళాత్మక చిత్రాల వైపు మొగ్గు చూపడం జరిగింది. ఆ క్రమంలో సిరిసిరిమువ్వ, శంకరాభరణం, సప్తపది, సాగర సంగమం, సిరివెన్నెల, స్వర్ణకమలం, శృతిలయలు, స్వయంకృషి, ఆపద్బాంధవుడు లాంటి చిత్రాలను తీసి తెలుగు పరిశ్రమలోనే కాదు జాతీయస్థాయిలో అనేక అవార్డులతో పాటు మంచి గుర్తింపును పొందారు.
ఆయన తీసిన అనేక చిత్రాలలో కమల్ హాసన్ నటించిన స్వాతిముత్యం సినిమా కె.విశ్వనాథ్ కి మంచి పేరును తీసుకు వచ్చింది. విధవ పాత్రలో రాధిక స్తబ్దుగా, నిశ్శబ్దంగా అద్భుతమైన నటనను కనబరచగా.. అమాయక పాత్ర లో కమల్ హాసన్ నటించాడు అనేకంటే జీవించాడని చెప్పవచ్చు. నిర్మలమ్మ తన నటనతో సినిమాను మరో స్థాయికి తీసుకు వెళ్ళింది.
సౌత్ ఇండియా టాప్ స్టార్స్ లలో బన్నీ కూడా ఒకరు. అద్భుతమైన స్టెప్పులతో అల్లు అర్జున్ ప్రేక్షకుల మనసు దోచుకున్నారు. 1986 మార్చి లో వచ్చిన స్వాతిముత్యం సినిమాలో స్టైలిష్ స్టార్ అల్లు అర్జున్ కూడా నటించారు. ఒక సీన్ లో కమల్ హాసన్ వయస్సు మళ్ళిన ఒక పాత్రలో కనిపిస్తారు. అయితే కమల్ హాసన్ మనవల్లగ కొంత మంది బాల నటులు కనిపిస్తారు. అలా అల్లు అర్జున్ తన కజిన్స్ తో పాటుగా ఈ సినిమాలో నటించారు. కళాతపస్వి విశ్వనాధ్ డైరెక్షన్ లో హీరోగా చేయక పోయినప్పటికీ కనీసం బాలనటుడిగా నటించానని అల్లు అర్జున్ హర్షాన్ని వ్యక్తం చేశారు.