Amalapaul: సౌత్ సినీ ఇండస్ట్రీలో హీరోయిన్గా మంచి సక్సెస్ అందుకున్నటువంటి వారిలో నటి అమలాపాల్ ఒకరు. ఈమె తమిళం మలయాళం సినిమాలతో పాటు తెలుగులో కూడా అల్లు అర్జున్ రామ్ చరణ్ వంటి స్టార్ హీరోలతో కలిసి సినిమాలలో నటించారు. ఇలా పలు సినిమాలలో నటించినటువంటి ఈమె ఇటీవల రెండో వివాహం చేసుకొని తన వ్యక్తిగత జీవితంలో ఎంతో సంతోషంగా గడుపుతున్నారు.

ఈమె గతంలో తమిళ దర్శకుడిని వివాహం చేసుకున్నారు. అయితే వీరిద్దరి మధ్య వచ్చిన మనస్పర్ధలు కారణంగా విడాకులు తీసుకుని విడిపోయారు. ఇలా విడాకులు తీసుకున్నటువంటి ఈమె జగత్ దేశాయ్ అనే వ్యక్తితో ప్రేమలో పడ్డారు ఈయనతో ప్రేమలో ఉన్నటువంటి అమలాపాల్ గత ఏడాది నవంబర్ నెలలో వివాహం చేసుకున్నారు. ఇక పెళ్లయిన కొద్ది రోజులకే ఈమె ప్రెగ్నెంట్ అనే విషయాన్ని తెలియజేశారు.

ఇలా తాను ప్రెగ్నెంట్ అనే విషయాన్ని తెలియజేసినప్పటి నుంచి ఈమె తరచు తన బేబీ బంప్ ఫోటోలను సోషల్ మీడియా వేదికగా అభిమానులతో పంచుకుంటూ ఉన్నారు. ఇదిలా ఉండగా తాజాగా ఈమె సీమంతపు వేడుకలు ఎంతో ఘనంగా జరిగాయని తెలుస్తుంది.

సాంప్రదాయ బద్ధంగా
తాజాగా అమలాపాల్ తన సీమంతపు వేడుకలకు సంబంధించిన ఫోటోలను సోషల్ మీడియాలో షేర్ చేశారు. ఇందులో భాగంగా ఈమె తన భర్తతో కలిసి వారి సంప్రదాయ ఆచారాల ప్రకారం ఈ వేడుకలను జరిపించారని తెలుస్తుంది. ప్రస్తుతం ఇందుకు సంబంధించిన ఫోటోలు వైరల్ గా మారడంతో ఎంతోమంది ఈమెకు ముందుగానే శుభాకాంక్షలు తెలియజేస్తున్నారు.