Analyst Damu Balaji : కమల్ హాసన్, సారిక కూతురు శృతి హాసన్ పరిచయం అక్కర్లేని పేరు. తెలుగులో అనగనగా ఒక ధీరుడు సినిమాతో పరిచయమై ఆ తరువాత టాప్ హీరోయిన్ గా అందరు హీరోలతో ఆడిపాడింది. అటు నటన, ఇటు డాన్స్ మరో వైపు పాటలు ఇలా అన్నింటా దూసుకుపోయిన ఈ ముద్దుగుమ్మ కెరీర్ జోరు తగ్గి సినిమాలు తగ్గాయి. మళ్ళీ క్రాక్ సినిమాతో కాక పుట్టించిన ఈ ముద్దుగుమ్మ మళ్ళీ తెలుగులో వరుస సినిమాలతో అలరించింది.

ఆ వ్యాధితో బాధాపడుతున్న శృతి…

ప్రస్తుతం శృతి ప్రభాస్, ప్రశాంత్ నీల్ సలార్ సినిమాలో నటిస్తోంది. ఇక తెలుగులో బాలకృష్ణ, గోపీచంద్ మలినేని సినిమా వీరసింహా రెడ్డి, చిరంజీవి తో వాళ్తేరు వీరయ్య సినిమాల్లో నటించింది. ఇలా మళ్ళీ తెలుగు సినిమాలతో ఫుల్ బిజీగా ఉన్న శృతి సోషల్ మీడియాలో కూడా చురుగ్గా ఉంటూ తన బాయ్ ఫ్రెండ్ తో డేటింగ్ కబుర్లను బాగా షేర్ చేసుకుంటూ ఉంటుంది. ఇక తన బాయ్ ఫ్రెండ్ హజారిక తో సహజీవనం చేస్తున్న ముద్దుగుమ్మ రీసెంట్ గా ఒక వింత జబ్బుతో బాధాపడుతున్నట్లు సోషల్ మీడియా కోడై కూస్తోంది.

శృతి గత కొంత కాలంగా కోపం నియంత్రించుకోలేని జబ్బుతో బాధపడుతున్నట్లు అనలిస్ట్ దాము బాలాజీ తెలిపారు. ఆమె ఒత్తిడి వల్ల కోపం పెరిగిపోయి తన సహ నటీనటులను తన ముందు ఎవరున్నా వారి మీద తన కోపం చూపిస్తోందని బాలాజీ తెలిపారు. సైకాలజీ చదివిన శృతి హాసన్ ప్రస్తుతం మానసిక ఒత్తిడిని భరించలేక కోపం కంట్రోల్ చేసుకోలేని వ్యాధితో బాధపడుతోందట. కోపం రావడానికి ఆమె పని ఒత్తిడికి సంబంధించి బాధపడుతున్నట్లు దానివల్ల కోపం వస్తోందని ప్రస్తుతం చికిత్స తీసుకుంటున్నట్లు బాలాజీ తెలిపారు.