Salar: ప్రభాస్ హీరోగా నటించిన సలార్ సినిమా ఇటీవల ప్రేక్షకుల ముందుకు వచ్చి ఎంతో అద్భుతమైనటువంటి విజయాన్ని సొంతం చేసుకున్న సంగతి మనకు తెలిసిందే. అయితే కొన్ని ప్రాంతాలలో ఈ సినిమా భారీ నష్టాలను మిగిల్చింది ఆ నష్టాలు అన్నింటిని నిర్మాత పూడ్చారని తెలుస్తోంది.

ఏ ఏ ప్రాంతాలలో డిస్ట్రిబ్యూటర్లు నష్టపోయి ఉంటారో వారందరికీ నిర్మాత డబ్బును వెనక్కి తిరిగి ఇచ్చినట్టు తెలుస్తుంది. ఇలా ఈ విషయం సోషల్ మీడియాలో వైరల్ గా మారడంతో వేణు స్వామి రంగంలోకి దిగారు. ఈయన గతంలో ప్రభాస్ జాతకం చెబుతూ ప్రభాస్ నటించిన సినిమాలు ప్రేక్షకులకు నచ్చవని నష్టాలు తప్పవని చెప్పారు. అయితే ఈ వ్యాఖ్యలపై ప్రభాస్ అభిమానులు తీవ్రస్థాయిలో వేణు స్వామిని ట్రోల్ చేశారు.

ఈ సినిమా సక్సెస్ అయిందని తన జాతకం అంత అబద్ధం అంటూ భారీగా ట్రోల్ చేశారు. ఇక ప్రస్తుతం ఈ సినిమా నష్టాలు అన్నింటిని నిర్మాత భరించారనే విషయం తెలియడంతో ఈయన సోషల్ మీడియా వేదికగా ఒక మీమ్ పోస్ట్ చేశారు. ఈ సినిమా ఫలితం గురించి తాను ఎప్పుడో చెప్పానని తెలిపారు.

నేను ముందే చెప్పాను..
తాను ఎప్పుడో ఈ విషయాన్ని చెప్పాను కదా? అంటూ మర్యాద రామన్న సినిమాలో సునీల్ అన్నట్టుగా నే చెప్పలే చెప్పలే.. అంటూ వచ్చిన ఫన్నీ మీమ్‌ను ఇన్ స్టా స్టోరీలో పెట్టేసుకున్నాడు. ప్రస్తుతం ఈ పోస్ట్ వైరల్ అవుతోంది. ప్రశాంత్ దర్శకత్వంలో వచ్చినటువంటి ఈ సినిమా కొన్నిచోట్ల మంచి సక్సెస్ అందుకున్నప్పటికీ మరికొన్ని చోట్ల మాత్రం భారీ స్థాయిలో నష్టాలను ఎదుర్కొంది. దీంతో వేణు స్వామి ఈ సినిమా పట్ల చేసిన వ్యాఖ్యలు వైరల్ అవుతున్నాయి.