తెలుగు బిగ్ బాస్ 5 గత నెలలో 19 మంది కంటెస్టెంట్ ల తో ఎంతో అంగరంగ వైభవంగా ప్రారంభం అయ్యి ప్రేక్షకులను ఎంతో ఎంటర్టైన్ చేస్తుంది. ఈ క్రమంలోనే బిగ్ బాస్ హౌస్ లో ఉన్న కంటెస్టెంట్స్ అందరూ తమదైన శైలిలో ఆడుతూ ప్రేక్షకులను మెప్పిస్తూ ఉన్నారు. ఈ క్రమంలోనే బిగ్ బాస్ ఇచ్చే టాస్క్ కోసం నువ్వా నేనా అంటూ పోటీపడుతూ గొడవలు పడుతూ చివరకు కొట్టుకొనే వరకు వెళ్తూ ప్రేక్షకులకు కావలసినంత వినోదాన్ని పంచుతారు.

బిగ్ బాస్ కార్యక్రమం అంటేనే కొట్లాటలు గొడవలు ఉన్నట్టుగానే ఎలిమినేషన్ కూడా ఉంటుంది. ఈ క్రమంలోనే 19 మందితో ప్రారంభమైన ఈ షోలో ప్రస్తుతం 15 మంది కంటెస్టెంట్ లు ఉండగా నలుగురు ఎలిమినేట్ అయ్యారు. ఇక నాలుగవ వారం ఎవరూ ఊహించని విధంగా బిగ్ బాస్ హౌస్ నుంచి నటరాజ్ మాస్టర్ ఎలిమినేట్ అయ్యారు. నటరాజ్ మాస్టర్ ఎలిమినేట్ అవడంతో అందరూ షాక్ అయ్యారు.

హౌస్ నుంచి బయటకు వెళ్లిన నట రాజ్ మాస్టర్ నాగార్జునతో మాట్లాడుతూ ఏదో సాధించాలని హౌస్ లోకి వచ్చాను ఏమి సాధించకుండానే వెళ్తున్నా అని చెప్పగా ప్రస్తుతం నీ భార్యకు నీ అవసరం ఎంతో ఉంది తన కోసమే నిన్ను దేవుడు బయటకు పంపించాడేమో అంటూ నాగార్జున చెప్పుకొచ్చారు. ప్రస్తుతం నట రాజ్ మాస్టర్ భార్య నీతూ ప్రెగ్నెంట్ అన్న సంగతి మనకు తెలిసిందే.

ఇక నాలుగు వారాల పాటు హౌస్ లో ప్రేక్షకులను ఎంటర్ టైన్ చేసిన నట రాజ్ మాస్టర్ చివరి వారంలో సభ్యులను తనదైన శైలిలో జంతువులతో పోలుస్తూ అందరిని కామెంట్స్ చేయడంతో ఈయనపై నెగిటివిటీ ఏర్పడింది. ఈ నెగిటివిటీ కారణంగానే నటరాజ్ మాస్టర్ హౌస్ నుంచి బయటకు వచ్చారని తెలుస్తోంది.ఇకపోతే నాలుగు వారాలకు గాను బిగ్ బాస్ నట రాజ్ మాస్టర్ కు ఎంత మొత్తంలో రెమ్యునరేషన్ చెల్లించారన్న విషయం ప్రస్తుతం హాట్ టాపిక్ గా మారింది.

ముందుగా కుదుర్చుకున్న డీల్ ప్రకారం నటరాజ్ మాస్టర్ కు రోజుకు పదిహేను వేలు చొప్పున రెమ్యూనరేషన్ ఇవ్వనున్నట్లు సమాచారం.ఈ క్రమంలోనే వారానికి లక్షకుపైగా నట రాజ్ మాస్టర్ రెమ్యూనరేషన్ తీసుకున్నారని, నాలుగు వారాలకు గాను నాలుగు లక్షలకు పైగా రెమ్యునరేషన్ తీసుకున్నారు. అయితే బిగ్ బాస్ హౌస్ లో ఉన్నన్ని రోజులు ప్రేక్షకులను మరింత టైం చేసినందుకుగాను బిగ్ బాస్ నిర్వాహకులు మాస్టర్ కు మరికొంత ఎక్కువ రెమ్యూనరేషన్ చెల్లించి ఉంటారని నెటిజన్లు భావిస్తున్నారు.