Adi Reddy: బిగ్ బాస్ కార్యక్రమంలో కంటెస్టెంట్ గా పాల్గొన్నటువంటి వారిలో ఆది రెడ్డి ఒకరు. ఈయన సీజన్ 6 కార్యక్రమంలో కామన్ మ్యాన్ గా ఎంట్రీ ఇచ్చి టాప్ త్రీ కంటెస్టెంట్ గా బయటకు వచ్చారు. ఈయన బిగ్ బాస్ కార్యక్రమంలో పాల్గొనక ముందు సోషల్ మీడియాలో ఎంతో యాక్టివ్ గా ఉంటూ బిగ్ బాస్ రివ్యూలను ఇస్తూ ఉండేవారు.
ఇలా బిగ్ బాస్ ద్వారా ఎంతో ఫేమస్ అయినటువంటి ఆదిరెడ్డి తరచు ఎన్నో వీడియోలను సోషల్ మీడియా వేదికగా అభిమానులతో పంచుకుంటున్నారు. ఇదిలా ఉండగా తాజాగా ఈయన షేర్ చేసినటువంటి ఒక వీడియో ప్రస్తుతం వైరల్ అవుతుంది. ఈ వీడియోలో ఆదిరెడ్డి మాట్లాడుతూ చాలామంది తన ఇంటి వద్దకు తమకు సహాయం చేయాలి అంటూ వస్తున్నారని తెలిపారు.
ఇలా రోజుకు చాలామంది వచ్చి తమకు ఏదైనా సహాయం చేయాలి అంటూ వారి బాధలను నాతో చెప్పుకుంటున్నారని అయితే వారందరి బాధలను నేను తీర్చలేనని ఈయన తెలిపారు. ఇలా చెబుతున్నానని తప్పుగా ఎవరు అర్థం చేసుకోవద్దు ప్లీజ్ నన్ను అర్థం చేసుకోండి ఇకపై ఎవరు కూడా ఇలా రాకండి అంటూ ఈయన తెలిపారు.
భోజనం మాత్రమే పెట్టగలను..
ఇలా వచ్చిన వారందరికీ నేను సహాయం చేయలేను కానీ ఒక పూట కడుపునిండా భోజనం పెట్టి మాత్రమే పంపించగలనని ఇలా ఎందుకు చెబుతున్నానో అర్థం చేసుకోండి అంటూ ఆదిరెడ్డి సహాయం కోరడానికి వచ్చిన వారందరికీ కూడా వీడియో రూపంలో రావద్దని తెలిపారు తనతో ఏదైనా మాట్లాడాలి అనుకుంటే మెసేజ్ ద్వారా చెప్పాలని ఈయన వెల్లడించారు. ఇలా ఆదిరెడ్డి చేసినటువంటి ఈ కామెంట్స్ ప్రస్తుతం వైరల్ అవుతున్నాయి.