Anchor Udaya Bhanu: తెలుగు సినిమా ఇండస్ట్రీలో నటిగా యాంకర్ గా గత 15 సంవత్సరాల నుంచి కొనసాగుతూ ఎంతో మంచి గుర్తింపు సంపాదించుకోవడమే కాకుండా విపరీతమైన ఫ్యాన్ ఫాలోయింగ్ సంపాదించుకున్న ఉదయభాను గురించి ప్రత్యేకంగా చెప్పాల్సిన పనిలేదు.ఈమె కెరియర్ మొదట్లో పలు సినిమాలలో నటించారు. అనంతరం యాంకర్ గా ఎన్నో అద్భుతమైన కార్యక్రమాలకు వ్యాఖ్యాతగా వ్యవహరించడమే కాకుండా పలు సినిమాలలో స్పెషల్ సాంగ్స్ ద్వారా పెద్ద ఎత్తున సందడి చేశారు.

ఈ విధంగా నటిగా యాంకర్ గా ఎంతో మంచి గుర్తింపు సంపాదించుకున్న ఉదయభానుకు సంబంధించిన ఓ వార్త ప్రస్తుతం వైరల్ అవుతుంది. ఉదయభానుకు బిగ్ బాస్ సీజన్6 లో పాల్గొనే అవకాశం వచ్చిందని పెద్ద ఎత్తున వార్తలు వినపడుతున్నాయి.ఇప్పటికే తెలుగులో ఈ కార్యక్రమం ఐదు సీజన్లను పూర్తిచేసుకుని ఆరవ సీజన్ ప్రసారం కావడానికి సిద్ధమవుతోంది.

ఇప్పటికే నిర్వాహకులు ఈ కార్యక్రమం ప్రసారం కోసం అన్ని ఏర్పాట్లు చేసినట్లు సమాచారం. ఇప్పటికే కంటెస్టెంట్ ల ఎంపిక ప్రక్రియ కూడా పూర్తి అయ్యిందని, కొందరి కంటెస్టెంట్ ల పేర్లు వినపడుతున్నాయి. ఎప్పటిలాగే ఈసారి కూడా బుల్లితెరపై ఎంతో పాపులారిటీ సంపాదించుకున్న వారిని అలాగే సోషల్ మీడియాలో ఫేమస్ అయిన వారిని ఈ కార్యక్రమంలోకి కంటెస్టెంట్ గా తీసుకురానున్నట్లు తెలుస్తోంది.

గతంలో బిగ్ బాస్ అవకాశం వచ్చిన రిజెక్ట్ చేసిన ఉదయభాను…

ఈ క్రమంలోనే బిగ్ బాస్ నిర్వాహకులు యాంకర్ ఉదయభానుకి కూడా ఈ సీజన్ లో అవకాశం కల్పించినట్లు తెలుస్తోంది.ఈమెకు గత సీజన్లోనే బిగ్ బాస్ అవకాశం వచ్చినప్పటికీ కొన్ని కారణాల వల్ల ఈమె ఈ కార్యక్రమంలోకి వెళ్ళలేదు. అయితే ఈసారి ఎలాగైనా ఈమెకు బిగ్ బాస్ కార్యక్రమంలో అవకాశం కల్పించాలని ఎలాగైనా తనని ఈ కార్యక్రమంలోకి తీసుకురావాలని నిర్వాహకులు తనకు భారీ మొత్తంలో రెమ్యూనరేషన్ ఆఫర్ చేసినట్టు తెలుస్తోంది.మరి ఉదయభాను గురించి వస్తున్నటువంటి ఈ వార్తలలో ఎంతవరకు నిజం ఉందో తెలియదు కానీ ఈమె కనుక షోలోకి ఎంట్రీ ఇస్తే ఈ కార్యక్రమం మరో లెవల్ కు వెళ్తుందని చెప్పాలి.