బిగ్ బాస్ హౌస్ నుంచి నాలుగవ వారం ఎవరూ ఊహించని విధంగా నటరాజ్ మాస్టర్ హౌస్ నుంచి ఎలిమినేట్ అయ్యారు. ఈ విధంగా నట రాజ్ మాస్టర్ హౌస్ నుంచి ఎలిమినేట్ కావడానికి ఆయన వింత ప్రవర్తన కారణమంటూ పలువురు భావిస్తున్నారు. నటరాజ్ మాస్టర్ హౌస్ నుంచి వచ్చిన తర్వాత పలు ఇంటర్వ్యూలలో పాల్గొంటూ బిగ్ బాస్ గురించి ఆసక్తికరమైన విషయాలను తెలియజేస్తున్నారు.
ఈ క్రమంలోనేలో ఇంటర్వ్యూలో పాల్గొన్న నటరాజ్ మాస్టర్ బిగ్ బాస్ విజేత ఎవరు అనే విషయాన్ని కూడా వెల్లడించారు. బిగ్ బాస్ హౌస్ లోకి వెళ్ళిన తర్వాత నేను నాలా ఉంటే అందరికీ నచ్చుతానని భావించాను కానీ గొర్రె కసాయి వాడినే నమ్మినట్టు నాటకాలు ఆడే వారిని ప్రజలు నమ్ముతున్నారని తెలియజేశారు. ఇక లహరి రవి విషయంలో నటరాజ మాస్టర్ రవిది పూర్తిగా తప్పని ఈ సందర్భంగా తెలిపారు.
ఇకపోతే బిగ్ బాస్ హౌస్ లో బరువు తగ్గే టాస్క్ లో భాగంగా నాలుగున్నర గంటలపాటు వర్షంలో డాన్స్ చేశానని అయితే ఆ సన్నివేశాన్ని బిగ్ బాస్ చూపించకపోవడం బాధాకరమని ఈ సందర్భంగా నట్రాజ్ మాస్టర్ తెలిపాడు.మూడు వారాల పాటు హౌస్ లో సందడి చేసి నాలుగవ వారం బయటకు వచ్చిన నటరాజ్ మాస్టర్ మూడు లక్షలకు పైగా రెమ్యునరేషన్ తీసుకున్నట్లు ఈ ఇంటర్వ్యూలో వెల్లడించారు.
ఇకపోతే ఈవారం నామినేషన్ లో ఉన్న కంటెస్టెంట్ లో విశ్వ హౌస్ నుంచి బయటకు వచ్చే అవకాశాలు ఉన్నాయని తెలిపారు. అదేవిధంగా బిగ్ బాస్ విజేత ఎవరు అనే విషయం గురించి మాస్టర్ మాట్లాడుతూ పలు ఆసక్తికరమైన వ్యాఖ్యలు చేశారు. ఈ సందర్భంగా ఆయన మాట్లాడుతూ బిగ్ బాస్ విజేతగా మానస్ లేదా శ్రీరామ్ వారిద్దరిలో ఎవరో ఒకరు టైటిల్ గెలుస్తారని తన అభిప్రాయాన్ని వ్యక్తం చేశారు.