Brahmanandam: తెలుగు చిత్ర పరిశ్రమలో ఎన్నో అద్భుతమైన సినిమాలలో కమెడియన్ గా తన హాస్యంతో ఎంతోమంది అభిమానులను సంపాదించుకున్న హాస్యనటుడు బ్రహ్మానందం గురించి ఎంత చెప్పినా తక్కువే.తన సినీ కెరియర్లో వందల సినిమాలలో నటించిన బ్రహ్మానందం ఈ మధ్యకాలంలో సినిమాలకు కాస్త దూరమయ్యారు.

ఇక తాజాగా ఈయన పంచతంత్రం అనే సినిమా ద్వారా ప్రేక్షకుల ముందుకు వచ్చారు.ఇకపోతే చెడ్డి గ్యాంగ్ తమాషా అనే సినిమా త్వరలోనే విడుదల కానుంది ఈ క్రమంలోనే ఈ సినిమా ట్రైలర్ లాంచ్ కార్యక్రమాన్ని నిర్వహించారు. ఈ కార్యక్రమంలో బ్రహ్మానందం పాల్గొని ఆయన చేతుల మీదుగా ట్రైలర్ విడుదల చేశారు.

ఈ కార్యక్రమంలో భాగంగా బ్రహ్మానందం మాట్లాడుతూ హాస్య సినిమాలను బతికించాలని తన గురువుగారు జంధ్యాల ఎప్పుడు చెప్పేవారు. అందుకే తాను కామెడీ నేపథ్యంలో తెరకెక్కిన ఈ సినిమా ట్రైలర్ లాంచ్ కార్యక్రమానికి వచ్చానని బ్రహ్మానందం తెలిపారు. ఈ సినిమా మంచి సక్సెస్ అవుతుందని చిత్ర బృందానికి ఆల్ ద బెస్ట్ తెలియజేశారు.

Brahmanandam సినిమాలలో కంటెంట్ ముఖ్యం…

ఇక ఇండస్ట్రీ గురించి ఇండస్ట్రీలో సినిమాల గురించి కూడా ఆసక్తికరమైన విషయాలను వెల్లడించారు సాధారణంగా సినిమా ఇండస్ట్రీలో పెద్ద సినిమాలకు ఒక ప్రాధాన్యత, చిన్న సినిమాలకు తక్కువ ప్రాధాన్యత ఉంటుందని చాలా మంది భావిస్తారు. అయితే ఇలాంటి వ్యత్యాసాలు ఇండస్ట్రీలో ఎప్పుడు లేవని చిన్న సినిమా అయినా పెద్ద సినిమా అయినా కంటెంట్ ఉంటేనే ప్రేక్షకులు ఆదరిస్తారని ఈ సందర్భంగా మరోసారి బ్రహ్మానందం చిత్రపరిశ్రమ గురించి చేసినటువంటి ఈ కామెంట్స్ వైరల్ అవుతున్నాయి.