Pawan Kalyan-Chiranjeevi: మెగాస్టార్ చిరంజీవి, పవర్ స్టార్ పవన్ కళ్యాన్ రాజకీయంగా వేరు వేరు కావచ్చు కానీ ఇద్దరు కూడా ఒకరికి ఒకరికి నైతిక మద్దతు ప్రకటించుకుంటూనే ఉన్నారు. వీరిద్దరి మధ్య ఏవో తగదాలు, మనస్పర్థలు ఉన్నాయంటూ గతంలో గుసగుసలు వినిపించినప్పటికీ.. అవన్నీ అబద్దాలే అని పలు సందర్బాల్లో తేలింది.

గతంలో చిరంజీవి బర్త్ డే వేడుకల్లో చిరంజీవి, పవన్ కళ్యాణ్ మధ్యలో ఎంత అన్యోన్యత ఉందో అందరికి తెలిసింది. తన వదిన సురేఖతో ఎంత గౌరవంగా ప్రవర్తిస్తారో మనం చూశాం. అయితే ప్రస్తుతం జనసేన పార్టీ నెలకొల్పి పవన్ కళ్యాణ్ రాజకీయాల్లో బిజీగా ఉన్నారు. గతంలో ప్రజారాజ్యం పార్టీ పెట్టిన చిరంజీవి తరువాత కాంగ్రెస్ లో దాన్నివిలీనం చేశారు.

ప్రస్తుతం రాజకీయంగా యాక్టివ్ గా లేరు. ప్రస్తుతం సినిమాలపైనే ఎక్కువగా కాన్సన్ట్రేట్ చేస్తున్నారు చిరంజీవి. వరసగా ఆచార్య, భోలాశంకర్, గాడ్ ఫాదర్ ఇలా వరసగా సినిమాలు చేస్తున్నారు. మరో మూడు ప్రాజెక్ట్ లు చర్చల్లో ఉన్నాయి. 

కళ్యాణ్ బాబు ఏ సమస్యపై స్పందించినా..

ఇదిలా ఉంటే తన తమ్ముడు పవన్ కళ్యాణ్ గురించి వ్యాఖ్యలు చేశారు. ఇటీవల మెగా అభిమానులతో చిరంజీవి భేటీ అయ్యారు. ఆక్సిజన్ బ్యాంక్ పై మాట్లాడారు. ఈసందర్భంగా చిరంజీవి కీలక వ్యాఖ్యలు చేశారు. ’’ కళ్యాణ్ బాబు ఏ సమస్యపై స్పందించినా.. అది కరెక్ట్ గానే కనిపిస్తుందని.. ఏదైనా న్యాయం కోసమే పోరాడుతారని ఆయన అన్నారు. నేను కూడా ఇలాగే న్యాయం కోసం పోరాడుతానని అన్నారు చిరంజీవి. మన నిజాయితీ, సంయమనం, ఓపిక ఇవే మనకు విజయాన్ని చేకూర్చుతాయని అన్నారు. ఈ విషయంలో ఎవరితో నేను మాట అనిపించుకోనని చిరంజీవి వ్యాఖ్యానించారు.