తెలంగాణ బతుకమ్మ, గౌరమ్మపై తానూ చేసిన వ్యాఖ్యలపై జబర్దస్త్‌ కమిడియన్ హైపర్ ఆది క్షమాపణలు చెప్పాడు. ఈ మేరకు అయన ఒక వీడియో రిలీజ్ చేసారు. అయితే ఆంధ్ర, తెలంగాణ అనే భేదాభిప్రాయాలు మా షోలో ఎప్పుడు ఉండవు.. మేము అందరం కలిసి చాలా సరదాగా పని చేసుకుంటాం.. అలాగే ఎవరికీ ఏ సమస్య వచ్చినా అందరం కలిసి సాల్వ్ చేసుకుంటాం. అన్ని ప్రాంతాల ప్రేమాభిలాయలతోనే మేము అందరం ఎంటర్టైన్ చేయగలుగుతున్నాం అంటూ వివరణ ఇచ్చారు.
ఇక ‘శ్రీదేవి డ్రామా కంపెనీ’ షోలోని స్కిట్‌ లో తెలంగాణ ప్రజలను అవమానించే విధంగా హైపర్ ఆది మాట్లాదారంటూ.. తెలంగాణ జాగృతి విద్యార్థి విభాగం ప్రతినిధులు ఆగ్రహం వ్యక్తం చేశారు. ఈ క్రమంలో ఎల్బీనగర్‌లో కేసు కుడా పెట్టారు. అయితే మంగళవారం ఉదయం దీనిపై ఫోన్‌కాల్‌లో ఆ ప్రతినిధులకు వివరణ ఇచ్చారు.
అయితే హైపర్ ఆది బేషరతుగా క్షమాపణలు చెప్పేదాక తాము వదిలిపెట్టమని హెచ్చరించారు. ఈ నేపథ్యంలోనే హైపర్ ఆది క్షమాపణలు చెబుతూ నిన్న రాత్రి ఒక వీడియో విడుదల చేశారు. శ్రీదేవి డ్రామా కంపెనీ షోలో చేసిన స్కిట్‌పై కొన్ని ఆరోపణలు వచ్చాయి.. అయితే అవేమీ తాము కావాలని చేయలేదు అని హైపర్ ఆది తెలిపారు. అయితే ఆ షోలో జరిగిన దానికి అందరి తరఫున క్షమాపణ కోరుతున్నట్లు ప్రకటించాడు.
