Daggupati Rana: నందమూరి బాలకృష్ణ ప్రస్తుతం ఆహా ఓటిటి లో ‘అన్ స్టాపబుల్’ అనే టాక్ చేస్తున్న విషయం తెలిసిందే. ఇప్పటికే వరుస సెలబ్రిటీస్ తో సక్సెస్ ఫుల్ గా దూసుకుపోతున్న ఈ టాక్ షో లో తాజాగా దగ్గుపాటి రానా గెస్ట్ గా విచ్చేశారు.

ప్రస్తుతం ఈ ఎపిసోడ్ ఆహాలో స్ట్రీమింగ్ అవుతోంది. ఈ టాక్ షోలో దగ్గుపాటి రానా ఎన్నో తన వ్యక్తిగత విషయాలను బాలయ్యతో పంచుకున్నాడు. దీనిలో రానాను బాలయ్య ఓ ప్రశ్న అడిగాడు.. 10 ఏళ్లుగా హీరోయిన్లతో రిలేషన్లో ఉన్నారట.. కానీ పెళ్లి మాత్రం బయట అమ్మాయిని పెళ్లి చేసుకున్నారట.. అసలు ఏంటి ఆ కథ.. అని అడిగాడు.

దీనికి అతడు ఈ విధంగా సమాధానం ఇచ్చాడు. సినీ పరిశ్రమలో అవి వర్కౌట్ కాలేదని.. తాను పెళ్లి చేసుకుంటానని చెబితే.. ఇంట్లో వాళ్లు షాక్ అయ్యారని చెప్పుకొచ్చాడు. మిమ్మల్ని రిజెక్ట్ చేసిన వాళ్లు ఎవరైనా ఉన్నారా అనే ప్రశ్నకు.. అలా తాను తిరస్కరించిన వాళ్లు చాలామంది ఉన్నారన్నారు.

మొదటిసారిగా పవన్ తో ఇలా..

బాలయ్య ఇంట్లో వాదనలు తానే మొదలుపెడతా అని.. సారీ కూడా తానే చెబుతా అని బాలయ్య చెప్పుకొచ్చాడు. ఇక పెళ్లి తర్వాత ఏనాడు తన భార్యకు ఐ లవ్ యూ చెప్పలేదని.. నా కన్నా తన భార్య ఎక్కువగా పార్టీలు చేస్తుందని వెల్లడించారు దగ్గుపాటి రానా. షూటింగ్ అన్నా.. షూటింగ్ లైప్ స్టైల్ అంటే తన భార్యకు తెలియదన్నాడు రానా. ప్రస్తుతం బాలయ్య టాక్ షోలో ఈ ఎపిసోడ్ కు విపరీతమైన రెస్పాన్స్ వస్తోంది. రానా సినిమాలకు వస్తే.. ప్రస్తుతం హీరోగా విరాట పర్వం సినిమా షూటింగ్ పూర్తయి.. త్వరలోనే విడుదలకు సిద్ధంగా ఉంది. హీరోయిన్ గా సాయిపల్లవి నటిస్తున్న విషయం తెలిసిందే. ఇక భీమ్లానాయక్ సినిమాలో మొదటిసారి పవన్ కళ్యాణ్ తో రానా స్క్రీన్ షేర్ చేసుకోబోతున్నాడు.