Dhoni Wife: టీమిండియా మాజీ కెప్టెన్ ఎమ్మెస్ ధోనీ క్రికెట్ చరిత్రలో ఎన్నో రికార్డులను తిరగ రాసినటువంటి ఈయన ప్రస్తుతం సినిమా ఇండస్ట్రీ వైపు అడుగులు వేశారు. ఈ క్రమంలోనే ధోని ఎంటర్ టైన్ మెంట్స్ అనే ప్రొడక్షన్ హౌస్ ను ప్రారంభించి సినిమా ఇండస్ట్రీలో తన అదృష్టం ఎలా ఉందో పరీక్షించుకోవడానికి సిద్ధమయ్యారు. ఈ క్రమంలోనే ధోని తన బ్యానర్లో LGMఅనే సినిమా ద్వారా ప్రేక్షకుల ముందుకు రావడానికి సిద్ధమయ్యారు.
ప్రస్తుతం ఈ సినిమా ప్రమోషన్ కార్యక్రమాలను నిర్వహిస్తున్నారు.ధోని బ్యానర్లో రాబోతున్న మొట్టమొదటి సినిమా కావడంతో ఈ సినిమాపై ఎంతోమంది ఎన్నో అంచనాలనే పెట్టుకున్నారు. ఇక ఈ సినిమా ప్రమోషన్లలో భాగంగా ధోని భార్య సాక్షి సింగ్ కూడా రంగంలోకి దిగారు. ఈ సినిమా తమిళంతో పాటు తెలుగులో కూడా విడుదలకు సిద్ధమవుతోంది.
ఈ క్రమంలోనే హైదరాబాదులో కూడా ప్రమోషన్ కార్యక్రమాలను ఏర్పాటు చేశారు. ఇందులో భాగంగా ఒక ఇంటర్వ్యూలో పాల్గొన్నటువంటి సాక్షి సింగ్ టాలీవుడ్ హీరోల గురించి పలు విషయాలు తెలియజేశారు. ముఖ్యంగా తన టాలీవుడ్ ఫేవరెట్ హీరో ఎవరు అనే విషయాన్ని ఈమె తెలిపారు.
Dhoni Wife: అల్లు అర్జున్ సినిమాలు మాత్రమే చూస్తాను..
ఈ సందర్భంగా మీడియా ప్రతినిధులు ఈమెను ప్రశ్నిస్తూ మీరు టాలీవుడ్ సినిమాలు చూస్తారా అనే ప్రశ్న వేశారు. ఈ ప్రశ్నకుసాక్షి సింగ్ సమాధానం చెబుతూ తాను టాలీవుడ్ ఇండస్ట్రీలో పాన్ ఇండియా స్టార్ గా ఎంతో మంచి గుర్తింపు సంపాదించుకున్న అల్లు అర్జున్ సినిమాలు మాత్రమే చూస్తాను ఆయన అంటే నాకు చాలా ఇష్టం తన సినిమాలు అసలు మిస్ అవ్వను అంటూ ఈ సందర్భంగా ఈమె చేసిన కామెంట్స్ వైరల్ కావడంతో అల్లు అర్జున్ అభిమానులు సంతోషం వ్యక్తం చేస్తున్నారు.