Omicron Virus: ప్రస్తుతం దేశవ్యాప్తంగా కరోనా వైరస్ఒమిక్రాన్ వేరియంట్ రూపంలో దేశవ్యాప్తంగా శర వేగంగా వ్యాప్తి చెందుతుంది. ఈ వేరియంట్ శర వేగంగా వ్యాప్తి చెందుతూ ఎన్నో కొత్త లక్షణాలు వెలుగులోకి వస్తున్నాయి. ఈ క్రమంలోనే ఈ వేరియంట్ మానవ శరీరంపై ఎన్ని గంటల పాటు సజీవంగా ఉంటుంది అనే విషయాలను నిపుణులు వెల్లడించారు.
ఓ అధ్యయనంలో భాగంగా శాస్త్రవేత్తలు ఒమిక్రాన్ వేరియంట్ పై పరిశోధనలు జరిపిన అనంతరం ఈ వైరస్ మానవ శరీరంపై సుమారు 21 గంటల పాటు సజీవంగా ఉంటుందని నిపుణులు తెలియజేశారు. అదేవిధంగా ప్లాస్టిక్ వస్తువుల పై సుమారు ఎనిమిది గంటల పాటు ఈ వైరస్ సజీవంగా ఉంటుందని తెలిపారు.
ఇలా ఈ వైరస్ ఎక్కువ సమయం పాటు మనిషి శరీరంపై, వస్తువులపై సజీవంగా ఉండటం వల్ల ఈ వేరియంట్ శర వేగంగా వ్యాప్తి చెందడానికి కారణమౌతుందని నిపుణులు వెల్లడించారు.ఈ క్రమంలోనే ఈ వైరస్ వ్యాప్తిని అరికట్టడం కోసం తగినన్ని జాగ్రత్తలు తీసుకోవడం అవసరమని వైద్య నిపుణులు వెల్లడిస్తున్నారు.
మాస్క్ తప్పని సరి..
ఇలా ఒమిక్రాన్ వైరస్ వ్యాప్తి అధికంగా ఉండటం వల్ల ప్రతి ఒక్కరు బయటకు వెళ్ళినప్పుడు తప్పనిసరిగా ఉపయోగించాలని వీలైనంతవరకు N-95 మాస్క్ వాడటం ఎంతో ప్రయోజనకరం. శానిటైజర్ ఉపయోగిస్తూ సామాజిక దూరం పాటించాలని, అప్పుడే ఈ వైరస్ ను అరికట్టగలమని నిపుణులు చెబుతున్నారు.