Major Movie: మేజర్ సందీప్ ఉన్నికృష్ణన్ జీవిత కథ ఆధారంగా, ఆయన పాత్రలో హీరో అడివి శేష్ నటించిన చిత్రం మేజర్. ఈ సినిమా జూన్ 3వ తేదీ విడుదల కానుంది. ఇప్పటికే ఈ సినిమా నుంచి విడుదలైన ఫస్ట్ లుక్ పోస్టర్స్ ట్రైలర్ సినిమాపై భారీ అంచనాలు పెంచాయి. దేశం కోసం సందీప్ చివరి క్షణం వరకు పోరాడిన తీరును ఎంతో అద్భుతంగా ఈ సినిమా ద్వారా చూపించనున్నారు.
ఈ సినిమా వచ్చే నెల 3వ తేదీ విడుదల కావడంతో ఇప్పటి నుంచి సినిమా ప్రమోషన్ కార్యక్రమాలను నిర్వహిస్తున్నారు. పాన్ ఇండియా స్థాయిలో తెరకెక్కిన ఈ సినిమా పై భారీ అంచనాలు ఏర్పడ్డాయి. ఈ క్రమంలోనే తాజాగా ఈ చిత్రం నుంచి విడుదల చేసిన ట్రైలర్ ప్రతి ఒక్కరిని విశేషంగా ఆకట్టుకుంది. ఇకపోతే తాజాగా మేజర్ హీరో అడవి శేష్ హీరోయిన్ సాయి మంజ్రేకర్ ఆలీతో సరదాగా కార్యక్రమానికి హాజరయ్యారు.
ఈ సినిమాలో సందీప్ ఉన్నికృష్ణన్ గర్ల్ ఫ్రెండ్ పాత్రలో నటి సాయి మంజ్రేకర్ నటిస్తున్నారు. సాయి మంజ్రేకర్ ఎవరు ఏమిటి అనే విషయానికి వస్తే ఈమె బాలీవుడ్ స్టార్ డైరెక్టర్ మహేష్ మంజ్రేకర్ కుమార్తె.మహేష్ మంజ్రేకర్ కేవలం నటుడిగా మాత్రమే కాకుండా ఈయన బాలీవుడ్ బోజ్ పురి చిత్రాలకు నిర్మాతగా కూడా వ్యవహరించారు.
బిగ్ బాస్ వ్యాఖ్యాతగా
ఈయన దర్శకుడిగా, నిర్మాతగా, నటుడిగా మాత్రమే కాకుండా మరాఠీలో బిగ్ బాస్ కార్యక్రమానికి వ్యాఖ్యాతగా కూడా వ్యవహరించారు. ఇక ఈయన మొదటగా దీపా మెహతా అనే కాస్ట్యూమ్ డిజైనర్ ను వివాహం చేసుకున్నారు. అనంతరం వీరు విడాకులు తీసుకొని తరువాత ఈయన మేధా మంజ్రేకర్ అనే మహిళను వివాహం చేసుకున్నారు వీరిద్దరి కూతురే సాయి మంజ్రేకర్. ప్రస్తుతం ఈమె మేజర్ అనే పాన్ ఇండియా సినిమా ద్వారా తెలుగు ప్రేక్షకులకు పరిచయం కానుంది.