Shruthi Hassan: సౌత్ ఇండియన్ స్టార్ హీరోగా ఎంతో మంచి సక్సెస్ అందుకున్న కమల్ హాసన్ వారసురాలిగా ఇండస్ట్రీలోకి అడుగు పెట్టారు నటి శృతిహాసన్. ఈమె హీరోయిన్ గా ఇండస్ట్రీలోకి అడుగుపెట్టిన మొదట్లో వరస ఫ్లాప్ సినిమాలను ఎదుర్కొని ఇండస్ట్రీలో ఐరన్ లెగ్ అనే ట్రోల్స్ ఎదుర్కొన్నారు.

ఇలా తన గురించి ఎన్నో విమర్శలు వచ్చినా వెనకడుగు వేయకుండా ఇండస్ట్రీలో అవకాశాలను అందుకొని స్టార్ హీరోయిన్ గా కొనసాగుతున్నారు. ప్రస్తుతం వరుస సినిమాలలో నటిస్తున్న శృతిహాసన్ తనకు వీలు దొరికినప్పుడల్లా సోషల్ మీడియా వేదికగా అభిమానులతో సరదాగా ముచ్చటిస్తూ ఉంటారు.

ఈ క్రమంలోనే ఇటీవల అభిమానులతో సరదాగా చిట్ చాట్ చేస్తూ ఉన్నటువంటి ఈమెకు నేటిజన్ల నుంచి ఆసక్తికరమైన ప్రశ్నలు ఎదురయ్యాయి. ఈ క్రమంలోనే ఒక నెటిజన్ మరోసారి పెళ్లి గురించి ప్రస్తావనకు తీసుకువచ్చారు. నెటిజన్ మీకు పెళ్లెప్పుడు అని అడిగిన ప్రశ్నకు రియాక్ట్ అవుతూ.. నేను చేసుకోను సార్ అని రిప్లై ఇచ్చింది.

నచ్చిన పని చేసుకోండి..
మీకు కాబోయే వారు ఎలా ఉండాలనుకుంటున్నారు అంటూ మరొకరు ప్రశ్నించారు. ఈ ప్రశ్నకు ఈమె సమాధానం చెబుతూ..ఇది 2024 అమ్మాయిలను ఇలాంటి ప్రశ్నలు అడగడం ఇకనైనా ఆపేయండి ఇవి చాలా సిల్లీగా అనిపిస్తున్నాయంటూ వివరించింది. అమ్మాయిలకు ఏది సంతోషం అనిపిస్తుందో దానిని చేసుకొనివ్వండి.ఇకపోతే గతంలో కూడా తనను రిలేషన్ షిప్ కి సంబంధించిన ప్రశ్నలు అడగొద్దని శృతి విజ్ఞప్తి చేశారు.