షారుక్ ఖాన్ కొడుకు ఆర్యన్ ఖాన్ ను అక్టోబర్ మూడవ తేదీన క్రూయిజ్ షిప్ రేవ్ పార్టీలో డ్రగ్స్ వాడుతూ ఎన్సీబీ అధికారులకు పట్టుబడిన సంగతి మనకు తెలిసిందే. అప్పటి నుంచి ఎన్సీబీ అధికారుల కస్టడీలో ఉన్న ఆర్యన్ ఖాన్ ను అధికారులు విచారిస్తున్నారు. ఈ క్రమంలోనే ఆర్యన్ ను నిన్న కోర్టులో హాజరు పరచగా అతనికి బెయిల్ రాకపోవడంతో షారుక్ ఖాన్ కుటుంబం ఎంతో నిరాశ చెందారు.
ఈ క్రమంలోనే ఆర్యన్ కి బెయిల్ రాకపోవడంతో షారుక్ ఖాన్ ఆర్థర్ జైల్ లో ఉన్న తన కొడుకును చూడటానికి అక్కడికి వెళ్లారు. షారుక్ ఆర్థర్ జైల్ కి వెళ్లి ఆర్యన్ తో సుమారు 20 నిమిషాల వరకు మాట్లాడినట్లు తెలుస్తోంది. నిన్న జరిగిన విచారణలో భాగంగా ఆర్యన్ ఖాన్ కి బెయిల్ రాకపోవడంతో ఎంతో విచారం వ్యక్తం చేశారు.ఆర్యన్ ఖాన్ అరెస్ట్ అయినప్పటినుంచి ఆర్యన్ ఖాన్ అరెస్టు విషయంలో రాజకీయ కుట్ర జరుగుతోంది అంటూ పలువురు ఆరోపించారు.
వీరి రాజకీయ లబ్దికోసం అభం శుభం తెలియని ఎంతో మంచి భవిష్యత్తు ఉన్న ఓ కుర్రాడు జీవితాన్ని బలి చేస్తున్నారంటూ ఆర్యన్ ఖాన్ కి చాలామంది మద్దతుగా నిలిచారు. అయితే నిన్న విచారణలో భాగంగా ఆర్యన్ ఫోన్ లో బాలీవుడ్ హీరోయిన్ తో ఆర్యన్ ఖాన్ డ్రెస్ గురించి చాటింగ్ చేసినట్లు అధికారులు కోర్టుకు సమర్పించడంతో ఆ విషయం గురించి మరింత విచారణ చేపట్టడానికి సమయం కావాలని కోరడంతో మరోసారి అతని బెయిలును రద్దు చేసినట్టు తెలుస్తోంది.
ఇలా సుమారు 20 రోజుల నుంచి ఆర్యన్ ఖాన్ జైలులో ఉండడంతో షారుక్ ఖాన్ నటిస్తున్నటువంటి సినిమాలను పక్కన పెట్టి తన కొడుకును బయటకు తీసుకు రావడానికి ఎన్నో ప్రయత్నాలు చేస్తున్నారు. షారుక్ ఎన్నో ప్రయత్నాలు చేస్తున్నప్పటికీ ఆర్యన్ బయటకు రాకపోవడం అతనిని ఎంతో కృంగదీసిందని చెప్పవచ్చు.