Viral Video: హిందువులు నదులను ఎంతో పవిత్రంగా భావిస్తారు.ఈ క్రమంలోనే ఎంతోమంది ఈ పవిత్రమైన నదులకు పెద్ద ఎత్తున పూజలు చేస్తూ పవిత్రమైన నదీ స్నానాలు ఆచరించడం వల్ల పుణ్యం కలుగుతుందని భావిస్తారు. అయితే ఈ విధమైనటువంటి పవిత్ర నదీ జలాలలో ఎలాంటి దుశ్చర్యకు పాల్పడిన కఠినమైన చర్యలు తీసుకుంటారు. ఈ క్రమంలోనే ఓ యువకుడు పవిత్ర నదీ స్నానం చేస్తూ తన భార్యకు ముద్దు పెట్టిన ఘటన ప్రస్తుతం సోషల్ మీడియాలో వైరల్ గా మారింది.
ఉత్తరప్రదేశ్ లోని శ్రీరాముడు జన్మస్థలమైన అయోధ్యలో ఈ ఘటన చోటు చేసుకుంది. అయోధ్యలో ప్రవహిస్తున్న పవిత్ర నదిలో స్నానం చేయడానికి వెళ్లారు. గంగా నది ఉపనది అయినటువంటి సరయు నదిని ఎంతో పవిత్రంగా భావిస్తారు. ఇలాంటి పవిత్రమైన నదిలో స్నానం చేయడానికి వెళ్లిన ఈ దంపతులు నదిలో స్నానమాచరిస్తూ ఉండగా భర్త తన భార్యకు ముద్దు పెట్టాడు.
గంగా నది ఉపనదిగా సరియూ నది…
ఈ విధంగా తన భార్యకు ముద్దు పెడుతున్న ఘటనను అక్కడ కొందరు చూసి ఆయన పై దాడికి దిగారు. ఈ క్రమంలోనే కొందరు యువకులు అతనిని బయటికి ఈడ్చుకెళ్లి తనతో గొడవకు దిగడమేకాకుండా ఏకంగా తన పై చేయి కూడా చేసుకున్నారు. ఇదంతా చూస్తున్న భార్య తన భర్తను కాపాడుకోవడానికి ప్రయత్నం చేస్తున్నప్పటికీ అతనిపై పెద్దఎత్తున దాడికి ప్రయత్నించారు. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.
ఈ వీడియో చూసిన కొందరు తక్షణమే ఈ ఘటనపై దర్యాప్తు జరిపి అవసరమైతే చర్యలు తీసుకోవాలని అధికారులు అయోధ్య పోలీసులకు సూచించారు.ఎంతో పవిత్రమైన శ్రీ రాముడు జన్మస్థలం అయోధ్యలో ప్రవహిస్తూ ఉన్నటువంటి సరియు నదిలో ఇలాంటి ఘటనకు పాల్పడటంతో పలువురు ఈ జంటపై ఆగ్రహం వ్యక్తం చేస్తున్నారు.
अयोध्या: सरयू में स्नान के दौरान एक आदमी ने अपनी पत्नी को किस कर लिया. फिर आज के रामभक्तों ने क्या किया, देखें: pic.twitter.com/hG0Y4X3wvO
— Suneet Singh (@Suneet30singh) June 22, 2022