Hyper Aadi: సాధారణంగా సినిమా ఇండస్ట్రీలో పోటీ తత్వం ఎక్కువగా ఉంటుందనే విషయం మనకు తెలిసిందే. ఇలా సినిమాల పరంగా లేదా ఇతర కార్యక్రమాల పరంగా పెద్ద ఎత్తున పోటీలు పడుతూ సీనియర్స్ జూనియర్స్ ను ఒక మాట అనడం ఇలా వీరి మధ్య మనస్పర్తిలో రావడం అనేది సర్వసాధారణంగా జరిగే అంశాలే. అయితే అభిమానులు ఈ వివాదాలను మరింత పెద్దది చేస్తూ ఉంటారు.

ఇలా సెలబ్రిటీలు ఎంత గొడవ పడినప్పటికీ ఏదో ఒక సందర్భంలో వారి మధ్య జరిగిన గొడవలు మరిచిపోయి తిరిగి ఒకటి కావడం మనం ఇదివరకు ఎన్నో చూసాము.ఈ క్రమంలోనే బుల్లితెర కమెడియన్స్ గా ఎంతో మంచి పేరు సంపాదించుకున్న హైపర్ ఆది పటాస్ సద్దాం ఇద్దరి మధ్య కూడా చిన్నపాటి మనస్పర్థలు తల్లేతాయి. దీంతో అప్పటి నుంచి వీరిద్దరి మధ్య ఏమాత్రం మాటలు లేవని తెలుస్తోంది.

ఇక న్యూ ఇయర్ రాబోతున్న నేపథ్యంలో ఈటీవీ వారు వేర్ ఇస్ ద పార్టీ అనే కార్యక్రమాన్ని నిర్వహించారు. ఈ కార్యక్రమానికి సంబంధించిన ప్రోమో విడుదల చేశారు. ఈ ప్రోమోలో భాగంగా సద్దాం, హైపర్ ఆది మధ్య ఉన్నటువంటి మనస్పర్ధలు గురించి చెప్పడమే కాకుండా తిరిగి వీరిద్దరూ కలిసిపోయినట్టు తెలియజేశారు.

Hyper Aadi: కలిసిపోయిన ఆది…సద్దాం

2022వ సంవత్సరంలో నాకు సద్దాంకు మధ్య చిన్నపాటి మనస్పర్ధలు వచ్చాయని, అయితే వచ్చే సంవత్సరంలో మా ఇద్దరి మధ్య ఎలాంటి మనస్పర్ధలు ఉండవని ఆది చెబుతూ వీరిద్దరి మధ్య మనస్పర్ధలకు చెక్ పెట్టారు. అంతేకాకుండా ఇద్దరు కలిసి కేక్ కట్ చేసి ఒకరికొకరు తినిపించుకున్నారు. ఇలా వేదికపై వీరిద్దరూ కలిసిపోవడంతో వీరి అభిమానులు కూడా ఎంతో సంతోషం వ్యక్తం చేశారు.