Hyper Aadi: హైపర్ ఆది ప్రస్తుతం బుల్లితెర కార్యక్రమాలు సినిమాలు అంటూ కెరియర్ పరంగా ఎంతో బిజీగా ఉన్నారు. జబర్దస్త్ కార్యక్రమం ద్వారా కమెడియన్ గా ఎంతో మంచిది సక్సెస్ అందుకున్న ఈయన కెరియర్ పరంగా బిజీగా ఉన్నారు. ఇకపోతే పవన్ కళ్యాణ్ కు వీరాభిమాని అయిన హైపర్ ఆది తరచూ మెగా ఫ్యామిలీ భజన చేస్తూ ఉంటారు.
ఇకపోతే ఇటీవల జరిగిన ఎన్నికలలో భాగంగా పవన్ కళ్యాణ్ పోటీ చేస్తున్న పిఠాపురం నియోజకవర్గంలో హైపర్ ఆదితో పాటు ఇతర జబర్దస్త్ కమెడియన్స్ కూడా ప్రచార కార్యక్రమాలను నిర్వహించి పవన్ కళ్యాణ్ విజయానికి ఎంతో దోహదపడ్డారు. ఇలా జనసేన పార్టీకి ఎంతో కీలకంగా వ్యవహరిస్తున్నటువంటి హైపర్ ఆది త్వరలోనే రాజకీయాలలోకి కూడా రాబోతున్నారని తెలుస్తోంది.
ఇక హైపర్ ఆది జులై ఒకటో తేదీ అధికారికంగా పవన్ కళ్యాణ్ సమక్షంలో జనసేన పార్టీలోకి చేరబోతున్నారంటూ ఓ వార్త వైరల్ గా మారింది. అంతేకాకుండా ఈయనకు ఓ కీలక పదవి కూడా కట్టబెట్టబోతున్నారని సమాచారం. ఇన్ని రోజులు జనసేనకు ఎంతో కృషిచేసిన ఈయననీ పార్టీలోకి ఆహ్వానించడమే కాకుండా ఏకంగా ఎమ్మెల్సీ పదవిని కూడా ఇవ్వబోతున్నారని సమాచారం.
ఎమ్మెల్సీ పదవిలో ఆది..
ఇలా హైపర్ ఆది జనసేన పార్టీలోకి వెళ్లడం ఎమ్మెల్సీ పదవులు అందుకోవడం గురించి వస్తున్నటువంటి ఈ వార్తలలో ఎంతవరకు నిజం ఉందో తెలియదు కానీ ఈ వార్తలు మాత్రం ప్రస్తుతం వైరల్ అవుతున్నాయి. అయితే గతంలో కూడా ఆది తనకోసం జనసేన ఎమ్మెల్యేగా టికెట్ ఇస్తే పోటీ చేయడానికి తాను సిద్ధమే అంటూ కూడా కామెంట్లు చేసిన విషయం తెలిసిందే.