Konda Surekha: తెలంగాణ కాంగ్రెస్ నాయకురాలు కొండా సురేఖ మురళి దంపతుల జీవిత కథ ఆధారంగా రాంగోపాల్ వర్మ దర్శకత్వంలో కొండా అనే సినిమా తెరకెక్కిన విషయం మనకు తెలిసిందే. ఈ సినిమా త్వరలోనే విడుదల కానుంది. ఈ క్రమంలోనే ఈ సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాల్లో భాగంగా కొండ సురేఖ విజయవాడలో పర్యటించారు.
ఈ క్రమంలోనే కొండా సురేఖ మీడియాతో మాట్లాడుతూ పలు సంచలన వ్యాఖ్యలు చేశారు. ఈ సినిమా కేవలం మా నిజ జీవితంలో ఏ విధమైనటువంటి ఒడిదుడుకులను ఎదుర్కొన్నాము. నిజజీవితంలో నక్సల్స్ ఉద్యమం, రాజకీయ ప్రయాణం మా ప్రేమ కథ ఆధారంగా ఈ సినిమా తెరకెక్కిందని తెలిపారు.
కేవలం ఈ సినిమా ప్రమోషన్ కోసం మాత్రమే రాష్ట్రంలో అన్ని ప్రాంతాల్లో పర్యటిస్తున్నానని, ఈ పర్యటనలో ఏ విధమైనటువంటి రాజకీయ ఉద్దేశ్యం లేదని తెలిపారు. ఇక ప్రస్తుతం తాము రాజకీయాల్లో కొనసాగుతున్నాము అంటే అది కేవలం వైఎస్ రాజశేఖర్ రెడ్డి గారు పెట్టిన భిక్ష అని మాత్రమే చెప్పాలి. ఆయనవల్లే రాజకీయాలలో ఎదిగామని తెలిపారు.
రాజశేఖర్ రెడ్డి గారితో మాత్రమే పరిచయం…
ఇక ప్రస్తుత రాజకీయాలలో విలువలు ఏమాత్రం లేదని ఆవేదన చెందారు. ప్రజల అభివృద్ధి కోసమే ప్రభుత్వాలు పని చేయాల్సి ఉంటుంది అయితే ప్రస్తుత రాజకీయాలలో ప్రజల అభివృద్ధి కరువైందని ఈమె ఆవేదన చెందారు. ఇక తనకు కేవలం వైయస్ రాజశేఖర్ రెడ్డి గారితో మాత్రమే అనుబంధం ఉందని ఆయన కుటుంబ సభ్యులతో పెద్ద అనుబంధం లేకపోవటం వల్లే వారిని కలవలేకపోయానని ఈమె తెలిపారు. ఇక పార్టీకి రాజీనామా చేసిన తర్వాత ఒక కేసు విషయంలో విజయమ్మ షర్మిలతో కలిసి కోర్టు వాయిదాలో మాత్రమే కలిశామని తెలిపారు.