Hero Venkat: తెలుగు సినిమా ఇండస్ట్రీలో ఎన్నో చిత్రాలలో సపోర్టింగ్ క్యారెక్టర్ లో నటిస్తూ,హీరోగా పలు చిత్రాల్లో నటిస్తూ ఎంతో మంచి గుర్తింపు సంపాదించుకున్న నటుడు వెంకటేష్ గురించి ప్రత్యేకంగా చెప్పాల్సిన పనిలేదు. ఈ చిరంజీవి నటించిన అన్నయ్య సినిమాలో చిరంజీవి తమ్ముడు పాత్రలో నటించారు.ఇలా ఈ సినిమా ద్వారా ఎంతో మంచి గుర్తింపు సంపాదించుకున్న ఈ హీరో ఆ తర్వాత జగపతిబాబు హీరోగా నటించిన శివరామరాజు చిత్రంలో ఆయన తమ్ముడుగా కూడా నటించారు.

ఈ విధంగా పలు విజయవంతమైన చిత్రాలలో నటిస్తూ ఎంతో మంచి గుర్తింపు సంపాదించుకున్న నటుడు వెంకట్ ఉన్నపళంగా ఇండస్ట్రీకి దూరమయ్యారు. ఈ క్రమంలోనే తిరిగి ఇండస్ట్రీలోకి రీ ఎంట్రీ ఇచ్చిన వెంకట్ ఓ ఇంటర్వ్యూలో పాల్గొని ఎన్నో ఆసక్తికరమైన విషయాలను తెలిపారు.

ఈ సందర్భంగా ఈయన మాట్లాడుతూ తనకు ఇండస్ట్రీలో అవకాశాలు తగ్గి పోలేదని ఏదో ఒక పాత్రలో నటించే అవకాశాలు వస్తున్నట్లు ఆయన తెలిపారు. కానీ ఇండస్ట్రీకి ఇన్ని రోజులు దూరం అవడానికి గల కారణాలను కూడా తెలిపారు. ఆ నలుగురు సినిమా నిర్మించిన నిర్మాత తర్వాత ఆ అయిదుగురు చిత్రాన్ని నిర్మించారు. ఇందులో పోలీస్ ఆఫీసర్ పాత్రలో కనిపిస్తాను.

పైనుంచి కిందకు పడిపోయాను:

ఈ సినిమా షూటింగ్ సమయంలో చిన్న ప్రమాదం జరగడం వల్ల పైనుంచి కిందికి పడిపోయాను. ఈ క్రమంలోనే వెన్నెముక గాయం కావడం వల్ల పూర్తిగా విశ్రాంతి తీసుకున్నానని అందుకే ఇండస్ట్రీలో ఈ గ్యాప్ ఏర్పడిందని ఆయన తెలిపారు. ఇలా ఇండస్ట్రీకి దూరంగా ఉన్నప్పటికీ బిజినెస్ చేస్తూ ఉండేవాడిని అయితే ఇప్పుడిప్పుడే తనకు మంచి అవకాశాలు రావడంతో ఇండస్ట్రీలోకి రీఎంట్రీ ఇచ్చినట్టు నటుడు వెంకట్ తెలిపారు.