Inaya Sulthana: ఇనయా సుల్తానా పరిచయం అవసరం లేని పేరు రామ్ గోపాల్ వర్మ ఇంటర్వ్యూ ద్వారా ఎంతో ఫేమస్ అయినటువంటి ఇనయా అదే పాపులారిటీతో బిగ్ బాస్ అవకాశాన్ని అందుకున్నారు. ఇలా బిగ్ బాస్ కార్యక్రమం ద్వారా ఎంతో మంచి గుర్తింపు సంపాదించుకున్న ఈమె తప్పనిసరిగా టాప్ ఫైవ్ కంటెస్టెంట్ గా నిలుస్తారని భావించినప్పటికీ ఈమె 14వ వారమే హౌస్ నుంచి బయటకు వచ్చారు.
ఇక బిగ్ బాస్ హౌస్ లో ఉన్నప్పుడు ఈమె ఆర్ జె సూర్య తో కలిసి పులిహోర కలిపే ప్రయత్నాలు చేశారు. తను ఎలిమినేట్ అయినప్పుడు హౌస్ లో ఉన్నటువంటి ఇనయా తరచూ తనని గుర్తు చేసుకొని ఎంతో ఎమోషనల్ అయ్యేవారు. అయితే ఈమె హౌస్ నుంచి బయటకు వచ్చిన తర్వాత ఏకంగా మాజీ బిగ్ బాస్ కంటెస్టెంట్ సోహైల్ కి ప్రపోజ్ చేసి అందరికీ షాక్ ఇచ్చింది.
సోహైల్ సైతం ఇనయ బిగ్ బాస్ హౌస్ లో ఉన్నప్పుడు తనకు సపోర్ట్ చేశారు. అయితే సోహైల్ గురించి ఈమె మాట్లాడుతూ… సోహైల్ అంటే తనకు ఇష్టమని,అతనిని చూడటం కోసమే తను వెళ్లే జిమ్లో జాయిన్ అయ్యాను అని తెలిపారు.అక్కడ ఎవరైనా అమ్మాయిలు తనతో మాట్లాడితే తనకు పట్టరాని కోపం వచ్చేదని తెలిపారు.ఇలా తనపై ఎంతో ప్రేమను పెంచుకున్న ఈమె ఏకంగా తనకు ప్రపోజ్ చేసి షాక్ ఇచ్చారు..
Inaya Sulthana: నిజంగానే ప్రేమతో ప్రపోజ్ చేసిందా…
ఎరుపు రంగు డ్రెస్ ధరించిన ఇనయా రోజ్ ఫ్లవర్ బొకే చేత పట్టుకొని సోహైల్ ముందు మోకాళ్ళపై కూర్చొని ఈ ప్రేమ ఉన్నంతవరకు కాదు నా ఊపిరి ఉన్నంతవరకు నిన్ను ప్రేమిస్తూనే ఉంటాను అంటూ ఈమె తనకు ప్రపోజ్ చేసింది.ప్రస్తుతం ఇందుకు సంబంధించిన వీడియో సోషల్ మీడియాలో వైరల్ కావడంతో ప్రతి ఒక్కరు షాక్ అయ్యారు అయితే నిజంగానే తనపై ప్రేమతోనే ప్రపోజ్ చేసిందా లేదంటే ఏదైనా ప్రమోషన్ల కోసం ఇలా చేశారా అనే విషయం తెలియాల్సి ఉంది.