టాలీవుడ్ డైనమిక్ డైరెక్టర్ పూరిజగన్నాథ్ దర్శశకత్వంలో వచ్చిన ఇస్మార్ట్ శంకర్ సినిమాతో మంచి హిట్ తో పాటు యూత్ లో మాంచి క్రేజ్ ను దక్కించుకుంది నభా నటేష్…సినిమాలో తన అంద చందాలతో కుర్రకారుకు నిద్ర లేకుండా చేసింది ఈ ఇస్మార్ట్ బ్యూటీ.. ఈ సినిమా తో నభనటేష్ పేరు టాలీవుడ్ లో గట్టిగా వినిపించింది.
అందంతోపాటు నటనతో ఆకట్టుకున్న నభనటేష్ ఆతర్వాత రవితేజ నటించిన డిస్కో రాజా సినిమాలో బెల్లం కొండ సాయి శ్రీనివాస్ నటించిన అల్లుడు అదుర్స్ సినిమాల్లో నటించి ఆకట్టుకుంది.ఇప్పుడు ఈ వయ్యారి యంగ్ హీరో నితిన్ తో జతకట్టనుంది. కుర్ర హీరో నితిన్ నటిస్తున్న బాలీవుడ్ సూపర్ హిట్ అంధాధున్ రీమేక్ మ్యాస్ట్రో సినిమాలో నటిస్తుంది. ఇప్పుడు ఈ అమ్మడు టాలీవుడ్ లో ఓ భారీ ఆఫర్ ను అందుకుందని తెలుస్తుంది.
యంగ్ టైగర్ ఎన్టీఆర్- సూపర్ హిట్ చిత్రాల దర్శకుడు శివ కొరటాల దర్శకత్వంలో కొత్త సినిమా అనౌన్స్ అయిన విషయం తెలిసిందే. ‘జనతా గ్యారేజ్’ వంటి బ్లాక్‌బాస్టర్ తర్వాత ఆ కలయికలో ఎన్టీఆర్ 30వ సినిమాగా ఈ మూవీ రాబోతుంది. ఈ విషయాన్ని స్వయంగా కొరటాల ట్వీట్ చేశారు. జూన్‌ రెండో వారం నుంచి ఈ మూవీ షూటింగ్ మొదలు కానుంది.
ఈ సినిమాలో హీరోయిన్ గా కైరా అద్వాని పేరు ఎక్కువగా వినిపిస్తోంది. అయితే సెకండ్ హీరోయిన్ గా నాభ నటేష్ నటించే అవకాశాలు ఉన్నాయని ఫిల్మ్ నగర్ లో ఓ వార్త హల్చల్ చేస్తోంది.. ఇందులో వాస్తవం ఎంతుందో తెలియదు కానీ. ఇదే కనుక నిజమైతే ఎన్టీఆర్ సినిమాతో మళ్ళీ నభా నటేష్ టాలీవుడ్ లో హీరోయిన్ గా బిజీ అయ్యే అవకాశాలు ఉన్నాయని అంటున్నారు విశ్లేషకులు..మరి దీనిపై త్వరలోనే ఓ స్పష్టత ఇవ్వనుందట చిత్ర యూనిట్.ఇక ప్రస్తుతం ఎన్టీఆర్ RRR సినిమా షూటింగ్ పూర్తి చేసే పనిలో ఉన్నారు ఇప్పటికే క్లైమాక్స్ షూటింగ్ ని కంప్లీట్ చేసుకున్న ఈ సినిమా విడుదల ప్రస్తుతం ఉన్న కరోనా పరిస్థితుల దృష్ట్యా మరోసారి వాయిదా పడే అవకాశం ఉందని తెలుస్తోంది..!!