RRR Pre Release: దర్శక ధీరుడు రాజమౌళి తెరకెక్కించిన ఆర్ఆర్ఆర్ మూవీ కోసం ప్రపంచం మొత్తం ఎదురు చూస్తోంది. ఈ సినిమా జనవరి 7, 2022న ప్రపంచవ్యాప్తంగా 10 భాషల్లో విడుదల చేయనున్నారు. అయితే ఇప్పటికే ఈ సినిమాకు సంబంధించి ప్రీ రిలీజ్ ఈవెంట్లు నడుస్తున్నాయి. ఇప్పటికే హిందీలో ఈ సినిమా విడుదల కానుండగా.. ముంబైలో ఈ సినిమా ప్రీ రిలీజ్ ఈవెంట్ ను అంగరంగ వైభంగా పూర్తి చేశారు.
ఇక తాజాగా RRR తమిళ ప్రీ-రిలీజ్ ఈవెంట్ చెన్నైలో జరిగింది. ఈ ఈవెంట్ కు దర్శకుడు రాజమౌళితో పాటు యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ కూడా హాజరయ్యారు. ఇక జక్కన్న ఎన్టీఆర్, రామ్ చరణ్ గురించి ఎన్నో ఆసక్తికరమైన విషయాలను వెల్లడించాడు.
ఎన్టీఆర్ గురించి మాట్లాడుతూ..తాను ఓ సీన్ ను మైండ్ లో ఎలా అనుకుంటానో.. దానికి తగ్గట్లుగా ఎన్టీఆర్ లీనమైపోయి.. ఆవిజువల్స్ కు పర్ఫెక్షన్‌గా ఇస్తాడు అంటూ కాంప్లిమెంట్ ఇచ్చాడు. ఎన్టీఆర్ స్టార్ యాక్టర్ కాబట్టి ఎక్కడ నిలబడాలో.. ఎలా నటించాలో.. ఏం చేయాలో చెప్పాల్సిన పనిలేదన్నారు రాజమౌళి. ఎన్టీఆర్ లాంటి నటుడు ఉన్నందుకు తెలుగు పరిశ్రమే కాదు.. భారతీయ చలనచిత్ర పరిశ్రమ గర్వపడాలని అన్నారు .
RRR Pre Release : చరణ్ ఓపెన్ మైండ్‌తో సెట్ పైకి వస్తాడు..
ఇక రామ్ చరణ్ గురించి మాట్లాడుతూ.. చరణ్ నా హీరో.. సెట్ లోకి వచ్చేటప్పుడు తాను పనిపై ఎక్కువగా ఆలోచిస్తూ వస్తుంటానని.. కానీ చరణ్ మాత్రం సెట్స్‌పై ఓపెన్ మైండ్‌తో వచ్చి తన బెస్ట్ ఇస్తాడని చెప్పాడు. తన దగ్గరకు వచ్చి.. ఏం కావాలో చెప్పండి అంటూ అడుగుతాడని జక్కన్న చెప్పుకొచ్చాడు. చరణ్ సురక్షితమైన నటుడని.. తన గురించి తాను సెక్యూర్ గా ఫీల్ అవుతాడని అన్నారు. ఇలాంటి నటుడిని తాను ఎప్పుడూ చూడలేదని అన్నారు. ఇద్దరికీ భిన్నమైన వ్యక్తిత్వాలు ఉన్నాయన్నారు. ఇటు తారక్ ప్రేమను.. అటు చరణ్ ఆప్యాయతను తట్టుకోవడం ఎవరి వల్ల కాదు అంటూ రాజమౌళి పొగడ్తలతో ముంచెత్తాడు. అభిమానులను ఖుషీ చేసేందుకు రాజమౌళి తెలుగులో ఈ ప్రసంగం చేశారు.