సాధారణంగా అభిమానులు తన అభిమాన హీరో హీరోయిన్ లతో ఫోటోలు దిగాలి, ఆటోగ్రాఫ్ ఇప్పించుకోవాలి అని తెగ ఆరాట పడుతూ ఉంటారు. ఈ క్రమంలోనే కొందరు అభిమానులు తమ అభిమాన సెలబ్రిటీలు స్టేజీల పై మాట్లాడుతున్నప్పుడు, ఏదైనా షాపింగ్ మాల్స్ లాంటివి ఓపెన్ చేయడానికి వచ్చినప్పుడు, సెల్ఫీల కోసం ఎగబడుతుంటారు. అలాంటిది అదే సెలబ్రిటీలు రోడ్డుపై కనిపిస్తే ఇక ఆ అభిమానుల ఆనందానికి అవధులు లేకుండా పోతాయి.
ఈ క్రమంలోనే అభిమానులు సెల్ఫీలు తీసుకుంటున్న సమయంలో హీరోలు వారి సెల్ఫోన్లు తీసుకుని వారిని ఆటపట్టిస్తూ ఉంటారు. తాజాగా బాలీవుడ్ హీరోకూడా ఇదే విధంగా చేసారు.బాలీవుడ్ యాక్షన్‌ హీరో జాన్ అబ్రహం తన స్నేహితుడితో కలిసి రోడ్డుమీద నడుచుకుంటూ వెళ్తుండగా ఇద్దరు అభిమానులు బైక్‌పై కూర్చొని సెల్ఫీ వీడియో రికార్డ్‌ చేస్తున్నారు.
అంతలోనే జాన్ అబ్రహం వాళ్ల దగ్గరకు వచ్చి వాళ్ల చేతుల్లోంచి ఫోన్ లాక్కున్నాడు. అనంతరం కెమెరా వైపు చూస్తూ హాయ్ గాయ్స్ ఇప్పుడు ఓకేనా అంటూ నవ్వుతూ మాట్లాడారు. ఆ ఇద్దరు అభిమానులు జాన్ ని అనుసరించి ఫోన్ తీసుకున్నారు. ఈ సరదా సన్నివేశం వీడియోని జాన్ అబ్రహం ఇన్ స్టాలో షేర్ చేసారు. ఈ వీడియో పెట్టడం సోషల్ మీడియాలో చక్కర్లు కొడుతోంది.
స్టార్ అయినప్పటికీ ఏ మాత్రం గర్వం అనేది చూపించకుండా ఓ ప్రెండ్ లా మూవ్ అవ్వడం చూసి అతనిపై నెటిజన్లు ప్రశంసల వర్షం కురిపిస్తున్నారు.ఇక జాన్ అబ్రహాం సినిమాల విషయానికి వస్తే ప్రస్తుతం సత్యమేవ జయతే-2 లో నటిస్తున్నారు. పోస్ట్ ప్రొడక్షన్ పనులు పూర్తిచేసుకున్న ఈ సినిమా ఈనెల 25న రిలీజ్ కానుంది.