Keerthi suresh Mother: సాధారణంగా ప్రేక్షకులకు ఏదైనా పాట నచ్చితే దానిని సోషల్ మీడియాలో వైరల్ చేస్తూ ఉంటారు. ఇలా ప్రస్తుతం భాషతో సంబంధం లేకుండా ఎన్నో పాటలు ట్రెండింగ్ లో ఉన్నాయి. ఇలా ప్రస్తుతం ట్రెండింగ్ లో ఉన్న పాటలలో ” చంకీల అంగీలేసి ఓ వదినే” అనే పాట కూడా ఒకటి . ఇక్కడ చూసినా కూడా ఈ పాటే వినిపిస్తోంది. హీరో నాని, కీర్తీ సురేష్ జంటగా నటించిన దసరా సినిమాలోని ఈ పాట సోషల్ మీడియాలో ట్రెండింగ్ లో ఉంది.

చిన్న , పెద్ద అని తేడా లేకుండా అందరూ ఈ పాటకు స్టెప్పులు వేసి సోషల్ మీడియాలో వీడియోలు షేర్ చేస్తున్నారు. సాధారణ ప్రేక్షకులే కాకుండా సెలబ్రిటీలు కూడా ఈ పాటలు స్టెప్పులు వేస్తున్నారు. తాజాగా హీరోయిన్ కీర్తి సురేష్ తల్లి, అలనాటి నటి మేనక కూడా ఈ పాటకు చిందులు వేసింది. చంకీల అంగీలేసి అంటూ కూతురి పాటకు అద్భుతమైన డాన్స్ చేసింది. ఈ డాన్స్ వీడియోను సోషల్ మీడియాలో షేర్ చేసింది. అంతే కాకుండా తమిళ్ వర్శన్ లో ఈ పాటకు తన కుమార్తె భర్త తో కలిసి మేనక స్టెప్పులు వేసింది.

దసరా ఫీవర్ అంటూ ఈ వీడియోని సోషల్ మీడియాలో షేర్ చేసింది. ఈ వీడియో సోషల్ మీడియాలో వైరల్ అవుతున్నాయి. ఇక తాజాగా మంచు లక్ష్మీ ప్రసన్న కూడా ఈ పాటకు తన కూతురితో కలిసి స్టెప్పులు వేసింది. ఈ సందర్భంగా దసరా సినిమా బృందానికి శుభాకాంక్షలు తెలియజేస్తూ సోషల్ మీడియాలో డాన్స్ వీడియో ని షేర్ చేసింది. నాని , కీర్తి సురేష్ జంటగా నటించిన ఈ సినిమా ద్వారా శ్రీకాంత్ ఓదెల దర్శకుడిగా పరిచయం అయ్యాడు.

దసరా శోభను తెచ్చిన నాని…

శ్రీకాంత్ ఓదెల దర్శకత్వంలో సుధాకర్ చెరుకూరి నిర్మించిన దసరా సినిమా ఇటీవల విడుదలై మరొకసారి ప్రేక్షకులకు దసరా శోభని తీసుకువచ్చింది. మార్చి 30 వ తేదీ విడుదలైన ఈ సినిమా మొదటి రోజు నుండి మంచి హిట్ టాక్ సొంతం చేసుకుంది. ఈ సినిమాలో కీర్తి సురేష్ నాని ఇద్దరు పోటీపడి నటించినట్లుగా ఉంది. ఈ సినిమాతో నాని పాన్ ఇండియా హీరోగా మారిపోయాడు.